الجواب: شوہر کے الفاظ سے، جو مذکور سوال ہوئے ، طلاق واقع ہونے کا حکم نہیں کہ اس میں ایقاع طلاق فی الحال نہیں بلکہ طلاق کا وعدہ ہے البتہ بیوی کے بیان میں جو فقرہ وارد ہوا ، وہ ضرور ایقاع طلاق کے لئے ہے فی الواقع اگر شوہر نے یوں کہا کہ : ” جا میں نے تجھ کو طلاق دی“ تو تین طلاق ہو گئیں اور عورت شوہر پر ایسی حرام ہو گئی کہ اب بے حلالہ حلال نہ ہوگی۔ حلالہ یہ ہے کہ عورت بعد عدت دوسرے سے نکاح صحیح کرے پھر وہ جماع کے بعد طلاق دے دے تو عورت بعد عدت پہلے سے نکاح کرے۔ قال تعالى : (حَلَى تَنكِحَ زَوْجاً غَيْرَهُ) ،، وقال النبي سل : " لا حتى تذوقی عسیلته ويذوق عسیلتک عورت پر لازم ہے کہ ہر گز مرد کو اپنے اوپر قابو نہ دے اور اس سے ایسے بھاگے جیسے شیر سے، جیسے سانپ سے ۔ یہ حکم اس صورت میں ہے جبکہ تین طلاقوں کے دعوئی میں سچی ہو ، ورنہ اسی پر جھوٹ کا وبال ہے، وہی ملزمہ ہے۔ یہ تین طلاقوں کا نفس حکم تھا مگر جبکہ شوہر منکر ہے تو ثبوت طلاق کے لئے دو مرد عادل یا ایک مرد، دو عورتیں عدول کی گواہی ضروری ہے۔ لہذا اگر اس کا اقرار طلاق شرعی طور پر ثابت ہے تو طلاق ثابت ہوگئی ، جیسی اور جتنی طلاقوں کا اقرار کیا ہو ویسی اور اتنی طلاقیں ثابت ہونے کا حکم ہوگا ۔ واللہ تعالی اعلم فقیر محمد اختر رضا خاں از هری قادری غفرله صح الجواب۔ واللہ تعالیٰ اعلم قاضی محمد عبد الرحیم بستوی غفرلہ القوی