الجواب: (۱) اگر یہ واقعہ ہے جو سوال میں تحریر ہوا تو زید کی بیوی پر تین طلاقیں واقع ہوگئیں اور وہ زید کے لئے ایسی حرام ہو گئی کہ بے حلالہ اسے کبھی حلال نہ ہوگی ۔ حلالہ یہ ہے کہ عورت بعد عدت ( کہ صورت مسئولہ میں وضع حمل تھی جو بچہ ہونے سے گزرگئی) دوسرے سے نکاح صحیح کرے پھر وہ بعد جماع جب طلاق دے دے یا اس کی موت خواہ کسی وجہ شرعی سے نکاح فسخ ہو جائے تو عورت اس دوسرے شوہر کی عدت گزار کر پہلے شوہر کو بہ نکاح جدید حلال ہوگی اور زید جو زیور کہ ملک زوجہ تھا اور جو سامان جہیز بے اجازت زوجہ بیچا اس کا تاوان ذمہ زید پر لازم ہے جبکہ زوجہ معاف نہ کرے اور گواہان مذکور اگر شرعی ہیں تو اُن کی شہادت شرعیہ سے طلاقیں ثابت ہوں گی۔ یہ حکم اس صورت میں ہے جبکہ زید منکر ہو ورنہ شہادت کی حاجت نہیں ۔ اور طلاقیں ثابت ہیں۔ واللہ تعالیٰ اعلم (۲) صورت مسئولہ میں ایک طلاق رجعی کا حکم ہے جبکہ ہر بار جداگانہ طلاق کی نیت نہ ہو بلکہ خبر دینا مقصود ہو اور یہی ظاہر ہے پھر اگر شوہر نے رجعت نہ کی اور تین حیض اگر عدت گزر چکی تو اس عورت کا دوسرے سے نکاح صحیح کرے اور اگر ہنوز کسی وجہ سے عدت قائم ہے تو جب تک عدت نہ گزر جائے دوسرے سے نکاح حرام ہے۔ واللہ تعالیٰ اعلم حکم خبر اس صورت میں ہے جبکہ یہ دوسرا واقعہ پہلی صورت سے جدا ہو ورنہ حکم وہی ہے جو پہلے لکھا گیا کہ بے حلالہ زید کو اس کی بیوی حرام قطعی ہے اور اس طرح مشتبہ سوال سخت فریب دہی ہے جو حرام بد کام بدانجام ہے۔ واللہ تعالیٰ اعلم فقیر محمد اختر رضا خاں از هری قادری غفرله ۸ / رجب المرجب ۱۴۰۵ھ صبح الجواب۔ واللہ تعالیٰ اعلم قاضی محمد عبد الرحیم بستوی غفرلہ القوی