کیا فرماتے ہیں علمائے دین و مفتیان شرع متین اس مسئلہ میں کہ: زید کی بیوی اور ماں میں جھگڑا ہوا، زید نے کوئی بات ماں کی مخالفت میں اور بیوی کے موافق کہہ دی۔ ماں نے کہا تو اس رنڈی کا ہر وقت پاٹ لیتا ہے۔ زید نے کہا یہ رنڈی ہے؟ ماں نے کہا ہاں، رنڈی ہے۔ تو زید نے کہا اگر یہ رنڈی ہے تو میں نے طلاق دی ، طلاق دی ، طلاق دی۔ اس کے فوراً بعد زید باہر نکلا تو زید کا پڑوسی اس کو اپنے گھر بلا لے گیا۔ وہاں دو شخص اور بھی موجود تھے ۔ ان میں سے ایک نے کہا زید سے تو نے یہ کیا کیا ؟ تجھے ایسا نہیں کرنا چاہئے تھا تو زید نے جواب دیا کہ آپ مجھ کو کیا سمجھا رہے ہیں جو مجھے کرنا تھا سو میں نے کر دیا میں طلاق دینے ہی کو تھا میں نے طلاق دے دی۔ حکم شرع تحریر فرماویں۔ فقط والسلام ! سائلان : احمد نور وصدیق چودھری موضع پوشہ کلاں ڈاکخانہ خاص ضلع پیلی بھیت (یوپی)