آپ کو مجبوراً دینا پڑے گا۔ لیکن وہ پیسہ مجھے نہیں مل پائے گا۔ ایسی صورت میں طلاق نامہ لکھنے سے کوئی فائدہ نہیں۔ میں نے کہا کہ اگر کسی نے طلاق کا تحریری ثبوت نہ ہونے کی بنا پر مداخلت کی تو اس کا ذمہ دار کون ہوگا ؟ انہوں نے جواب دیا اس کا ذمہ دار میں ہوں ۔ کوئی مداخلت نہ کرے گا۔ میں نے کہا تو کیا آپ خدا کو حاضر و ناظر جان کر میری بہن قمر النساء کو آزاد کر رہے ہیں تو انہوں نے جواب دیا کہ میں خدا کو حاضر و ناظر جان کر آپ کی بہن قمر النساء کو آزاد کرتا ہوں۔ اب آپ اس کا دوسرا انتظام کر سکتے ہیں، مجھے کوئی اعتراض نہیں۔ ایسی صورت میں میری بہن کے لئے شرعی حکم کیا ہے؟ کیا میں اپنی بہن کا دوسرا عقد کر سکتا ہوں؟ نیز اس سلسلے میں میں نے سرکاری کچہری کی طرف رجوع کیا۔ وہاں سے دو سال پہلے میری بہن کی طلاق ہوگئی ۔ میرے احباب نے کہا کہ آپ اب بہن کا دوسرا انتظام کر دیں، میں نے کہا کہ میں شرعی معاملات میں سرکاری کچہری کا کچھ کم اعتماد کرتا ہوں۔ میں شرعی عدالت کی طرف رجوع کروں گا۔ اس سلسلہ میں اب سارے معاملات آپ کی خدمت میں پیش کر رہا ہوں۔ برائے کرم فرصت اولین میں حکم مرحمت فرما کر مشکور فرمائیں تا کہ میں بہن کا دوسرا عقد کرسکوں ۔ مذکورہ بالا واقعات ۱۸ ؍ دسمبر ۱۹۷۷ء کے ہیں۔ جو کہ میرے بہنوئی اور میرے درمیان ہوئے۔ امید ہے کہ جلد از جلد جواب مرحمت فرمائیں گے۔ فقط لمستفتی : سید تراب علی ولد سردار علی ساکن بڑا بازار، اودے پور، (راجستھان)