زید نے اپنی عورت کو مارا اور کہا جاؤ بھاگ جاؤ یہاں سے، اپنے میکے میں رہو یا کہیں اور چلی جاؤ۔ عورت نے اپنے میکے آکر اپنے دو بھائیوں سے کہا مجھے میرے شوہر نے طلاق دے دی ہے۔ بھائیوں نے کہا ٹھیک ہے رہو، جو ہم کھائیں تم بھی کھانا پینا۔ بھائیوں سے پوچھا گیا کہ تمہاری بہن نے تم سے بتایا کہ طلاق دے دی ہے تو بھائیوں نے کہا کہ ہاں ہم سے آکر بتایا کہ مجھے طلاق دے دی ہے۔ بھائیوں کے علاوہ گاؤں کے برادری غیر برادری کے لوگ بھی کہہ رہے ہیں کہ کسی سے عورت نے بتایا کہ طلاق دے دی۔ کسی سے مرد نے بھی بتایا کہ ہاں، ایسا ہو گیا ہے۔ آج ایک عالم کے سامنے شوہر بھی قطعی طور پر انکار کر رہا ہے اور بیوی بھی انکار کر رہی ہے ۔ میاں کہتا ہے کہ میں نے طلاق نہیں دی ، بیوی کہہ رہی ہے کہ مجھے طلاق نہیں دی ہے۔ ایسی صورت میں شریعت کا کیا حکم ہے؟ شریعت مطہرہ کے نزدیک کیا حکم ہے؟ مفصل جواب عنایت فرمایا جائے ۔ اور عبدالرحمن صاحب جو غیر برادری کے آدمی ہیں انہوں نے گاؤں کے کچھ لوگوں کے سامنے ایک پر چہ بھی دکھایا جس میں طلاقیں لکھی ہوئی تھیں اور خود عبد الرحمن صاحب نے یہ بھی بتایا کہ صاحب میں ان کے دروازے بیٹھا ہوا تھا آپس میں میاں بیوی میں کچھ تو تو میں میں ہو رہی تھی ، کہا میں چھوڑ دوں گا۔ میں نے کہا ( عبد الرحمن ) بھائی چھوڑ چھاڑ کی بات مت کرو یہاں تک کہ آگے بات بڑھی اور میرے سامنے کہا میں نے تم کو ( یعنی بیوی طلاق دی، طلاق دی، طلاق دی۔ ایک عالم صاحب نے جب تحقیق کی تو معلوم یہ ہوا کہ ایک ماسٹر صاحب کی دکان پر عورت کا شوہر آیا اور کہا کہ میں کس طرح پاک ہوسکتا ہوں تو ماسٹر صاحب اور ایک مولوی صاحب نے کہا کہ جاؤ حلالہ کروالواور عدت گزار کر پھر نکاح کر لو بات ختم ہو گئی یہاں تک ثبوت ہے۔ المستفتی: محمد اور لیس ،دولت پور، پرتاپ گڑھ (یوپی)