نہ معلوم درزی نے کس کے کپڑے کی گوٹ لگادی ہے؟ درزی سے عمرو نے جا کر کہا کہ میری ٹوپی میں کس کے کپڑے کی گوٹ لگائی ہے؟ کپڑے والے سے تم نے معلوم کر لیا؟ تو درزی نے جواب دیا میں اس کپڑے کا مالک ہوں، تم کو اس سے کیا بحث ہے؟ جب کپڑا میرے پاس ہے تو میں مالک ہوں ۔ بکر کہتا ہے درزی کے کہنے کا کیا ہے، سب درزی ایسا ہی کرتے ہیں کہ کسی کا کپڑا بچا تو اس کی گوٹ لگادی یا کسی کی جیب لگا دی۔ لہذا گزارش یہ ہے کہ عمر و اس ٹوپی سے نماز پڑھا سکتا ہے یا نہیں؟ نماز صحیح ہو جائے گی یا نہیں؟ اور اس درزی کے یہاں کھانا کھانے سے تو نماز روزہ میں کچھ خلل نہیں آتا ہے؟ یا آتا ہے؟ بینوا توجروا۔ (۲) جمعہ کی نیت کس طرح ہونی چاہئے؟ امام کی اور مقتدی کی ، شہر میں جمعہ جائز ہے؟ آدمی اگر شہر میں جمعہ ادا کر لے تو اس کا ذمہ ادا ہو جائے گا یا نہیں؟ اور اگر دیہات میں جمعہ پڑے تو اس کے ذمہ سے ظہر ادا ہو گا یا نہیں؟ اگر نہیں ہوگا تو کیا کرے؟ وہ ظہر احتیاطی پڑھے یا نہیں؟ سب کو تو اس بات کا علم نہیں ہے کہ جمعہ گاؤں میں نہیں ہے، جسے علم ہو تو وہ کیا کرے؟ اور جسے علم نہ ہوتو وہ کیا کرے؟ جسے جمعہ نہ ہونے کا علم نہ ہو اور جمعہ پڑھے تو اس کے ذمہ سے ظہر ادا ہوگی یا نہیں؟ گاؤں میں وقت جمعہ کا نام لے یا ظہر کا اور میں نیت اس طرح کرتا ہوں جمعہ کی نیت کرتا ہوں دو رکعت نماز جمعہ فرض واسطے اللہ تعالیٰ کے وقت جمعہ منہ میرا کعبہ شریف کو پیچھے اس امام کے ظہر احتیاطی کی نیت اس طرح کرتا ہوں نیت کرتا ہوں نماز کے واسطے نماز پڑھتا ہوں واسطے اللہ تعالیٰ کے چار رکعت نماز ظہر فرض سب میں پچھلی جس کا وقت میں نے پایا اور نہ پڑھی میں نے جو اپنی نیت کا طریقہ لکھا ہے جمعہ کی یا ظہر احتیاطی کا یہ طریقہ صحیح ہے یا نہیں؟ (۳) بہار شریعت میں جو لکھا ہے کہ خاص لوگوں کے لئے ہے جس کو فرض جمعہ ادا ہونے میں شک نہ ہو جب شک نہیں ہے تو جمعہ ادا ہو گیا پھر ظہر احتیاطی کی کیا ضرورت ہے؟ اور جب شک ہو تو ظہر احتیاطی پڑھے، اس کا کیا مطلب ہے؟ میری سمجھ میں نہیں آیا ، جواب صحیح مرحمت فرمائیں۔ بینوا توجروا (۴) نظام شریعت، احکام شریعت، بہار شریعت وغیرہ سے مسئلہ دیکھ کر بتائے تو وہ صحیح ہے یا نہیں؟ اگر صحیح ہے تو ان مسائل میں جو ترمیم کرے اور یہ کہے کہ مسئلہ صحیح ہے لیکن عمل نہ کیا جائے گا ایسے شخص کے بارے میں شریعت کیا حکم دیتی ہے؟ اور جو صحیح مسئلہ پر بحث کرے اور اپنی بڑائی کے لئے کرے۔ جو سیح حکم ہو مرحمت فرمائیں کسی مضمون کولکھا دیکھ کر عالم کا مذاق اڑانا کیسا ہے؟ المستفتی: افتخار حسین