دکاندار آتے ہیں، دو پہر یا سہ پہر ۳ بجے دن میں یا مغرب کے بعد چلے جاتے ہیں ، ایک مسلمان کمہار مٹی کے برتن بنا کر لاتا ہے، ایک احاطہ ہے جس میں پچاس ساٹھ دکانیں ہیں، کچھ دکانیں خالی بھی رہتی ہیں اور ایک پوسٹ آفس بھی ہے، بہت جلد قائم ہوا ہے اور بازار سے کچھ فاصلے پر ایک بہت بڑا زمیندار یا قلعد اررہتا ہے اس کی کوٹھی بنی ہوئی ہے اسی بازار کے باہر ایک مولا نارہتے ہیں جو ندوہ سے فارغ ہیں جب فارغ ہو کر آئے تھے اس وقت سے قریب دو سال تک یا کچھ زیادہ دنوں تک جمعہ پڑھنے کے واسطے دوسری جگہ جاتے تھے، ان کے والد اور ایک حافظ انہی کے ہم خیال مولانا کو جمعہ پڑھانے کے لئے لوگوں نے اجازت نہیں دی تو وہاں جانا بند کر دیا اور اپنے گھر کے سامنے جمعہ قائم کردیا، روزانہ اسی جگہ پر بھینس باندھی جاتی ہے، صرف اس جگہ پر جمعہ پڑھتے ہیں، پنجوقتی نماز ایک بھی نہیں پڑھی جاتی سوائے جمعہ کے۔ کیا یہ جمعہ قائم کرنا صحیح ہے؟ اور نہ وہاں پر کوئی چبوترہ ہے نہ دیوار ہیں، کچی زمین ہے، مولانا مقر ربھی ہیں لیکن مولانا کا عقیدہ مسلمانوں کو پسند نہیں اس لئے ان سے دور رہتے ہیں، مجبوراً مولانا کو اپنی تقریر سنی عقائد کے مطابق کرنا پڑتی ہے، لوگ شادی بیاہ یا میلا د شریف میں اب انہیں مدعو کر لیتے ہیں، مولانا اب صلاۃ وسلام بھی پڑھتے ہیں۔ جواب مدلل عنایت کیجئے گا۔ مستفتی: محمد حنیف، کیراف پیر بخش مکند انگر ، ڈامرکمپنی کے پاس ، دھراوی روڈ ،بمبئی