(۱، ۲) سنت مؤکدہ کا ترک موجب اساءت و ملامت ہے اور اس کے ترک کی عادت گناہ ہے اور جمعہ سے پیشتر بھی نماز سنت مؤکدہ ہے جس کے متعلق شرعی طور پر ثابت و مشتہر ہو کہ وہ ترک سنت مؤکدہ کا عادی ہے وہ فاسق معلن ہے، اسے امام بنانا گناہ ہے اور اس کی اقتداء میں نماز مکروہ تحریمی واجب الاعادہ ہے جمعہ میں بھی ایسے شخص کی اقتدا مکروہ تحریمی ہے جبکہ کسی لائق امامت کے پیچھے اقتدا ممکن ہو ورنہ نماز بلا کراہت ہو جائے گی اور فاسق کے پیچھے بکراہت نماز درست ہے لہذا جمعہ کی نماز ہوگئی ، بکر کا قول درست ہے لیکن اگر دوسرے امام غیر فاسق کے پیچھے جمع مل سکتا تھا تو فاسق کی اقتدا حلال نہ تھی ۔ واللہ تعالیٰ اعلم فقیر محمد اختر رضا خاں از هری قادری غفرله صح الجواب ۔ واللہ تعالیٰ اعلم قاضی محمد عبدالرحیم بستوی غفرلہ القوی ۲۰ ؍ ربیع الاول ۱۴۰۸ھ