کیا فرماتے ہیں علمائے دین و مفتیان شرع متین اس مسئلہ میں کہ: (1) گلے کا بٹن کھول کر نماز پڑھنا یا پڑھانا کیسا ہے؟ (۲) اگر کوئی امام جان بوجھ کر گلے کا بٹن کھول کر نماز پڑھاتا ہے تو نماز میں کوئی خرابی تو نہیں آتی ؟ (۳) عیدین کا موقع ہو یا الوداع ، اگر بارش ہورہی ہے اور عید گاہ میں نماز پڑھنا دشوار ہو تو مسجد میں نماز عید یا الوداع پڑھی گئی لیکن لوگ اتنے زیادہ ہیں کہ ایک جماعت میں نہیں سمارہے ہیں، تین دفع نماز پڑھی جائے گی تو سب آدمی پڑھ سکتے ہیں، تو ایسی صورت میں امام بدل بدل کر دو یا تین مرتبہ نماز پڑھی جا سکتی ہے کہ نہیں بوجہ مجبوری؟ از روئے شرع مندرجہ بالا سوالات کے جوابات مرحمت فرما ئیں ، کرم ہوگا، ہم ممنون و مشکور ہوں گے ۔ فقط والسلام !