کیا فرماتے ہیں علمائے دین و مفتیان شرع متین مسئلہ ذیل کے بارے میں کہ: زید سنی صحیح العقیدہ مذہب سے تعلق رکھتا ہے، خود ہی نہیں بلکہ ان کے آباؤ اجداد سب سنی ہی ہیں ، زید اپنے محلہ میں ایک سنی مسجد کا امام بھی ہے، زید کی مسجد میں کچھ دیو بندی بھی نماز پڑھنے آتے ہیں لیکن زید کو ان سے کوئی سروکار نہیں ہے، اچانک زید کی طبیعت خراب ہونے پر کچھ دیو بندی نے اس کی بیماری میں مدد کی روپوں پیسوں سے، وہ ساری رقم بیماری میں صرف ہو گئی جب ہی سے محلہ کے کچھ حضرات نہ تو زید کے پیچھے نماز پڑھتے ہیں اور نہ اس کے یعنی زید کے سلام و کلام کا جواب ہی دیتے ہیں۔ ساتھ ساتھ ان کی مخالفت بھی کرتے ہیں اور صحیح سنی ماننے کے لئے تیار نہیں ، مدد جو کی گئی تو ایسی صورت میں تھی کہ بیماری اس قدر بڑھ چلی تھی کہ سوائے مرنے کے اور کوئی صورت نہیں تھی اور ساتھ ہی ایسے وقت میں زید کے پاس کسی قسم کا کوئی راستہ نہیں تھا۔ ایسی صورت میں زید پر کیا حکم ہوتا ہے؟ ساتھ ہی جولوگ سنی تصور نہیں کر رہے ہیں ان پر کیا حکم عائد ہوتا ہے؟ قرآن وحدیث کی روشنی میں جواب عنایت فرما کر دل کو مطمئن فرما کر خدمت کا موقع عنایت کریں۔ فقط والسلام ! نوٹ: زید امام صاحب کی شادی ہوئی تھی جس وقت اس وقت ان کے سسرال والے کا یا خسر کا عقیدہ کچھ اور تھا اور اس وقت کچھ اور ہے یعنی وہابی نکلا جہاں وہ امام صاحب جاتے ہیں بہت کم اور کھانا پینا بالکل بند لیکن امام صاحب کے بال بچے وہاں کھانا پینا آرام سے کرتے ہیں اس کی بھی تشریح فرمائیں۔عین کرم ہوگا ! خادم محمد ہاشم چمن رضوی، کانپور (یو پی)