علمائے دین ومفتیان شرع متین کیا فرماتے ہیں اس مسئلہ میں کہ: امام اور مقتدی میں کسی بنا پر دل میں کینہ ہے یا کم علمی ہے امام صاحب نماز جماعت سے پڑھا رہے ہیں اور کوئی شخص ان کے پیچھے نماز نہیں پڑھتا، کوئی سے مراد یہ ہے کہ ایک یادو، اور اگر جماعت کے وقت مسجد میں آبھی گئے اور جماعت میں شامل ہو گئے تو بعد میں جماعت سے فارغ ہو کر مقتدی اپنی نماز دہرانے لگے اور نماز مکمل کرلی، لہذا مقتدی کو جماعت کا ثواب مل سکتا ہے یا نہیں؟ کیونکہ امام کے پیچھے جس سے کہ دل میں شک ہے، نماز پڑھنا دل گوارہ نہیں کرتا۔ لہذا جو بھی شرع شریف کا حکم ہو، فرمادیجئے۔ بینوا توجروا المستفتی: رئیس احمد (بقلم خود ) موضع موہن پور تحصیل بیری ضلع بریلی شریف