الجواب: فی الواقع اگر زید نے اپنی بیوی سے طلاق کے لفظ کہے تو جتنی اور جیسی طلاقیں دیں، اس پر اتنی اور ویسی طلاقیں واقع ہو گئیں مگر طلاق کا ثبوت محض عورتوں کے بیان سے نہ ہوگا جبکہ شوہر منکر ہو، جب تک کہ دو مرد عادل یا ایک مرد عادل اور دو عورتیں عدول گواہی نہ دیں۔ لیکن عورت نے اگر خود الفاظ طلاق سنے تو اس پر فرض ہے کہ وہ شوہر سے ایسی بھاگے، جیسے شیر سے، جیسے سانپ سے ۔ اور اسے ہرگز اپنے اوپر قابو نہ دے۔ الفاظ طلاق لکھ کر دوبارہ سوال کیا جائے ۔ تب جواب دیا جائے گا کہ طلاق کیسی اور کتنی ہوئی۔ واللہ تعالیٰ اعلم فقیر محمد اختر رضا خاں از هری قادری غفرلہ ۱۷ محرم الحرام ۱۳۹۶ھ