غصے میں طلاق دے کر ہوش وحواس کا درست نہ بتانا معتبر نہیں

Question

کیا فرماتے ہیں علمائے دین اس مسئلہ میں کہ: ایک شخص نے اپنی بیوی کو غصہ میں یہ کہہ دیا کہ میں نے طلاق دی، تین مرتبہ کہہ دیا۔ آیا اس طرح طلاق ہوئی یا نہیں؟ جواب دیں۔ اس شخص نے کہا میں نے بیوی کا نام نہیں لیا، ایسے ہی غصہ میں کہہ دیا، میرے ہوش و حواس بھی ٹھیک نہ تھے۔ اس طرح طلاق ہوئی یا نہیں؟ جواب دیں! المستفتی: برکت اللہ محلہ سادھو کا ، پور پور ضلع پیلی بھیت

حضور تاج الشریعہ مفتی محمد اختر رضا خان قادری ازہری علیہ الرحمہ · Accepted Answer

الجواب: تین طلاقیں واقع ہو گئیں ۔ عورت حرام ہو گئی ، بے حلالہ کبھی حلال نہ ہوگی ۔ حلالہ یہ ہے کہ عدت کے بعد عورت دوسرے سے نکاح صحیح کرے، وہ بعد جماع جب طلاق دے دے یا مرجائے یا معاذ اللہ مرتد ہو جاوے تو عورت عدت گزار کر پہلے سے نکاح کرلے ۔ واللہ تعالیٰ اعلم فقیر محمد اختر رضا خاں از هری قادری غفرله صح الجواب ۔ واللہ تعالیٰ اعلم قاضی محمد عبدالرحیم بستوی غفرلہ القوی

دار الافتاء بریلی

غصے میں طلاق دے کر ہوش وحواس کا درست نہ بتانا معتبر نہیں

اسی باب کے متعلقہ فتاویٰ