میرے خاوند فتح محمد خاں ولد مقبول خاں حال مقیم امتیار اضلع ٹونک راجستھان نے کچھ عرصہ پہلے طلاق بائن دی تھی ۔ اس صورت میں کہ میں میکہ ہی میں تھی۔ اس وقت یہ طلاق نامہ مجھے بھجوایا اس کے بعد، میں اپنے خاوند کے گھر دوسرے دن ہی چلی گئی اور اس سے معلومات کی کہ کیا واقعی آپ نے مجھے طلاق دی ہے؟ اس پر میرے خاوند نے اس وقت یہ الفاظ دہرائے کہ : ”ہاں! میں نے تجھے طلاق دی، طلاق دی، طلاق دی۔ اس طلاق کی مدت کو پانچ ماہ کا عرصہ گزر گیا ہے۔ کیا میں اپنے اسی مذکورہ خاوند سے بغیر حلالہ کے نکاح دوبارہ کر سکتی ہوں؟ یا نہیں؟ اور پر لکھے ہوئے واقعات کو سامنے رکھ کر ایک مفتی صاحب سے معلومات کی گئی تو انہوں نے جواب دیا کہ شوہر نے طلاق بائن دی تو عورت نکاح سے باہر ہو گئی پھر دوبارہ شوہر کا تین طلاق دینا نکاح سے خارج شدہ عورت پر کوئی اثر نہیں ڈالتا ۔ عورت کو چونکہ طلاق بائن ہوئی ہے اور نکاح سے باہر ہو چکنے کے سبب اب اس پر دوبارہ طلاق کا کوئی اثر نہیں پڑتا ہے۔ ان حالات میں یہ عورت طلاق دینے والے مرد سے نکاح کر سکتی ہے اور دونوں کا رشتہ زوجیت نکاح کرنے سے قائم ہو سکتا ہے۔ ان واقعات کے مدنظر آپ شرعی جواب تحریر فرمانے کا تکلف فرماویں۔ فقط والسلام! رئیسہ بیگم بنت رمضان خاں ٹھٹھیروں کی گلی، چوڑا راستہ، جے پور (راجستھان)