الجواب: صورت مسئولہ میں زید جبکہ منکر طلاق ہے تو محض ہندہ کے دعوئی سے ثبوت طلاق نہ ہوگا گواہان طلاق اگر شرعی ہیں یعنی متقی پرہیز گار معروف بہ صدق و احتیاط ہیں تو ان کی شرعی شہادت سے طلاق ثابت ہوگی جیسی اور جتنی طلاقوں کے وہ شاہد ہوں گے، ویسی اور اتنی طلاقیں واقع ہونے کا حکم ہوگا ۔ البتہ ہندہ اگر اپنے دعوئی میں سچی ہے تو اسے حکم ہے کہ وہ اپنے شوہر سے ایسی بھاگے جیسے شیر سے، جیسے سانپ سے۔ اور اسے اپنے اوپر ہرگز قابو نہ دے اور اگر زید کے ساتھ رہنا چاہے تو اسے اختیار ہے کہ بعد انقضائے عدت خفیہ حلالہ کرائے یعنی کسی سے نکاح صحیح کرے اور وہ بعد جماع طلاق دے دے پھر عدت گزار کر زید سے نکاح کرے۔ کذا ذکرہ فی الدر المختار ۔ اور زید پر بہ صورت دعویٰ ہندہ لازم کہ اسے طلاق دے کر چھوڑ دے کہ اس کی عدت گزر جائے کہ جب وہ تین طلاق کی مدعیہ ہے تو اسے زید کے پاس رہنا حلال نہیں۔ اور اسے ادہر میں لڑکا نا جائز نہیں ۔ قال تعالیٰ: فَلا تَمِيلُوا كُلَّ الْمَيْلِ فَتَذَرُوهَا كَالْمُعَلَّقَةِ ()() اور فرماتا ہے اللہ تعالیٰ: الإمساك بمعروف أو تسريح بإحسان الآية () اور اگر ہندہ نے جھوٹا دعوی کیا ہے تو وہی ظالمہ ہے۔ واللہ تعالیٰ اعلم فقیر محمد اختر رضا خاں از هری قادری غفرله