نیز زید کے ہندہ کو رکھنے کی صورت میں کیا کفارہ بھی ادا کرنا ہے؟ وہ بالوضاحت ارشاد فرما ئیں اور زید چونکہ وطن سے دور پردیس میں ہے اور بھائی بہن جن کے ساتھ ہندہ ہے اور زید سے کسی طرح کا کوئی تعلق نہیں ہے۔ عند الشرع کوئی حرج تو نہیں؟ (۲) زید کی والدہ بقید حیات ہے اور زید کی وراثت جو کچھ بھی تھی اس سے زید کو محروم کر دیا گیا۔ حتی کہ ترک وطن کرا دیا گیا۔ زیدا اپنی پھوپھی کے یہاں آکر رہنے لگا۔ ایک عرصہ تک زید پھوپھی کے یہاں ہی رہا۔ پھوپھی زاد بھائی نے ایک کارخانے میں نوکری لگا دی اور زید کی شادی بھی کرادی۔ زید اور اس کی بیوی ہندہ اپنی پھوپھی کے پاس ہی رہتے ہیں۔ اب جو روپیہ بطور سروس کے کٹ رہا ہے۔ بعد زید کے اس کا مالک کون ہو گا ؟ جب کہ اس کی ماں بھی نہیں ہے اور بیوی کو طلاق دے کر آزاد کر دیا ہے۔ زید کی مطلقہ بیوی زید سے اخراجات عند الشرع کیا پائے گی؟ اور نیز رکھنا چاہے تو حلالہ کی کیا صورت ہوگی ؟ برائے کرم سوالات کے جوابات مرحمت فرمائیں !