الجواب: کچہری کی طلاق شرعاً کوئی چیز نہیں۔ طلاق کا حق شوہر کو ہے۔ لحدیث ابن ماجہ: ،، انما الطلاق لمن اخذ بالساق (۱) و کذافی الدر المختار (۲) اس نام کی طلاق سے عورت آزاد نہ ہوئی بلکہ وہ اسی شوہر کی بیوی ہے اور منکوحہ کا دوسرے سے نکاح حرام قطعی ہے۔ قال تعالیٰ: وَالْمُحْصَنَاتُ مِنَ النِّسَاء - الآية } (۳) یعنی تم پر شوہر والیاں حرام ہیں۔ لہذا وہ نکاح کرنا حرام تھا جس کے دانستہ مرتکب اور اس کے واقف حال شر کا ء سب کے سب اشد گنهگار مستوجب نار ہوئے ، ان سب پر تو بہ فرض ہے اور جس کے ساتھ یہ نام کا نکاح ہوا، اگر اسے معلوم تھا کہ عورت منکوحہ غیر ہے جب تو یہ نکاح اصلا نہ ہوا اور جتنی قربت ہوئی ، خالص زنا۔ ورنہ نکاح فاسد ہوا اور بعد علم متارکہ وجدائی فرض اور تاخیر گناہ۔ متارکہ یہ ہے کہ مرد کہے: میں نے تجھے چھوڑا۔ یا عورت ہی کہے: میں تجھ سے جدا ہوئی۔ واللہ تعالیٰ اعلم فقیر محمد اختر رضا خاں از هری قادری غفرله ۲۳ رذی قعده ۱۴۰۹ھ (1) سنن ابن ماجه، ابواب الطلاق باب طلاق العبد، ص ۱۵۱ ، فیصل پبلیکیشنز، کنز العمال في سنن الاقوال والافعال ، ج ۹، باب کتاب الطلاق حدیث نمبر ۲۷۷۷۶، مطبع دار الكتب العلمية بيروت (۲) الدر المختار، کتاب الطلاق، ج ۴، ص ۴۵۰ ، دار الكتب العلمية بيروت (۳) سورة النساء: ۲۴