الجواب: ثبوت طلاق کے لئے شوہر کا اقرار درکار ہے یا دو مرد عادل پر ہیز گار یا ایک مرد اور دو عورتوں کی شہادت محض عورتوں کے کہہ دینے سے طلاق ثابت نہ ہوگی، جبکہ شوہر منکر ہو اور گواہان شرعی نہ ہوں۔ لیکن عورت تین طلاقیں دینے کا اقرار کرتی ہے تو اس پر فرض ہے کہ وہ شوہر سے علیحدہ ہو جائے اور اس سے ایسے بھاگے ، جیسے شیر سے، جیسے سانپ سے اور جب تک طلاق کا ثبوت نہ ہو یا شوہر دوبارہ طلاق نہ دے دے، وہ دوسرے سے نکاح نہیں کر سکتی ہے۔ والمولیٰ تعالیٰ اعلم فقیر محمد اختر رضا خاں از هری قادری غفرله