کیا فرماتے ہیں علمائے دین و مفتیان شرع متین کہ: رضا نے اپنی ایک بہن کو وارث کے ساتھ نکاح کر دیا تھا۔ اس عورت سے ایک لڑکی پیدا ہوئی۔ اس لڑکی کا وارث نے اپنی بہن کے لڑکے کے ساتھ نکاح کر دیا۔ یعنی رمضانی جو کہ وارث کا بھانجہ ہے۔ اس کے بعد وارث کی عورت مرگئی ۔ یعنی رضا کی بہن ۔ بعد میں جب رضا کی بہن مرگئی پھر رضا نے اپنی لڑکی کو وارث کے ساتھ یعنی بہنوئی کے ساتھ نکاح کر دیا اور وارث نے اپنی لڑکی کو اپنے داماد ( بھانجے ) کے گھر نہیں بھیجا۔ یعنی روک رکھا۔ رمضانی وارث کی عورت کو ( دوسری ) جو کہ رضا کی لڑکی ہے اور رمضانی کی ممانی ہے، اپنے ساتھ لے کر بھاگ گیا اور نکاح کر لیا۔ یہ شرعاً جائز ہے یا ناجائز ؟ وارث کا کہنا ہے کہ میں نے اپنی عورت کو طلاق نہیں دی ہے۔ رمضانی کا کہنا ہے کہ وارث نے طلاق دے دی ہے۔ مگر تحریری ثبوت کچھ نہیں۔ لہذا علمائے کرام سے پرزور اپیل ہے کہ مہربانی فرما کر خدا و رسول کو حاضر و ناظر رکھتے ہوئے قرآن وحدیث کی روشنی میں صحیح فیصلہ دینے کی زحمت کی جائے۔