ایک عورت شادی شدہ کے متعلق زید کو معلوم ہوا کہ وہ مطلقہ ہوگئی ہے اس لئے زید نے اس سے اپنا نکاح کرلیا اور تقریب ڈیڑھ سال تک اس سے تعلق رکھا پھر کسی نے کہا کہ اس کی طلاق نہیں ہوئی ہے اس لئے زید نے اس سے تعلق ترک کر دیا۔ پھر تعلق ترک کرنے کے چار ماہ کے اندر ہی عورت مذکورہ کے لڑکا پیدا ہوا جو کہ اس وقت تیرہ مہینے کا ہو گیا۔ اس کے قبل گزشتہ رمضان شریف میں زید کو معلوم ہوا کہ واقعی عورت مذکورہ کی طلاق نہیں ہوئی ہے اس لئے زید نے ایک کاغذ پر لکھا کہ میں نے عورت تم کو طلاق دی طلاق دی طلاق دی۔ اور وہ کاغذ لے جا کر عورت کو دیا یہ بتا کر کہ میں نے اس پر ایسا لکھا ہے۔ عورت نے وہ کاغذ ہاتھ میں نہیں پکڑا اس لئے زید کا غذ و ہیں زمین پر رکھ کر چل دیا۔ عورت مذکورہ نے آگ لگا کر کاغذ پر رکھ دیا ، کاغذ جل گیا۔ اور اب یہ معلوم ہوا ہے کہ عورت کے شوہر اول کو اس بستی والوں نے بلا کر اس سے طلاق لیا ہے عورت مذکورہ کے کوئی نہیں ہے سوائے ایک ماں کے۔ اب ماں یہ چاہتی ہے کہ عورت مذکورہ کی شادی کسی اور جگہ کر دوں مگر عورت کا قصد ہے کہ میں زید ہی کے ساتھ رہوں گی ۔ اس میں شرع شریف کا کیا حکم ہے؟ آیا عورت مذکورہ سے زید مذکور پھر نکاح کر کے رکھ سکتا ہے یا کہ نہیں؟ اور لڑ کا مذکورہ حرامی کہا جائے گا یا کہ حلالی؟ جواب مفصل عنایت فرمائیں۔ اللہ آپ کو اجر عظیم عطا فرمائے ۔ آمین