الجواب: طلاق کا ثبوت جب کہ شوہر منکر ہے، دومرد عادل یا دو مرد ایک عورت عدول ( متقی پرہیز گار ) کی شہادت سے ہوگا۔ وہ اگر شہادت دیں کہ شوہر نے ہمارے سامنے اپنی منکوحہ کو طلاق دی یا طلاق کا اقرار کیا تو طلاق ثابت ہے ورنہ طلاق کا ثبوت نہ ہو گا۔ اور اب شوہر ثانی پر متارکہ فرض ہے۔ واللہ تعالیٰ اعلم فقیر محمد اختر رضا خاں از هری قادری غفرله صح الجواب ! لیکن یہ بات محل نظر ہے کہ اتنے زمانے تک وہ کیوں خاموش رہے اور اب آواز کیوں اٹھائی تھی؟ اس سے تو یہی پتہ چلتا ہے کہ یہ ایک خوبصورت مکر وفریب ہے جولوگ اتنے زمانے تک جانتے ہوئے خاموش رہے۔ ان کی بات کا کیا اعتبار ہے؟ لہذا ہندہ کے شوہر سے بخلف پوچھا جائے اور گواہان شرعی گواہی دیں تو ان کی شہادت سے ثابت اور غلط پروپیگنڈہ کرنے والوں کا کہنا محض غلیظ و باطل ہے اور ان پر تو بہ فرض ہے۔ والمولیٰ تعالیٰ اعلم قاضی محمد عبد الرحیم بستوی غفرلہ القوی