الجواب: صورت مسئولہ میں اگر یہ شرعی طور پر متفق نہیں کہ زید کی عقل مختل تھی تو صورت سوال میں بنظر ظاہر وعرف شائع تین طلاقیں واقع ہوگئیں کہ اضافت کا لفظاً ہونا ضروری نہیں بلکہ نیہ وعرفا ہونا بھی کافی ہے۔ وہذا الحرام یلزمنی کہنے سے علما نے طلاق کا حکم فرمایا۔ کمافی الدر المختار۔ حالانکہ وہاں اصلاًلفظ طلاق نہیں اور دلیل وہی دی کہ عر فا طلاق واقع ہوتی ہے اور شک نہیں کہ دلالت عرف وجود اضافت پر صورت مسئولہ میں بھی قائم ہے اس لئے کہ آدمی طلاق اپنی بیوی ہی کو دیتا ہے تو خواہ لفظا اضافت ہو یا نہ ہو،طلاق بیوی ہی پر واقع ہوگی یہ حکم بنظر ظاہر لفظ وعرف عام ہے مگر ظاہر احتمال کا منافی نہیں اور یہاں یوجہ عدم اضافت لفظ یہ احتمال قائم ہے لہذا زید اگر یہ قسم کہے کہ میری نیت طلاق کی نہ تھی اور اپنی مراد "طلاق ، طلاق ، طلاق“ کہنے سے واضح طور پر بتادے تو طلاق کا حکم نہ ہوگا مگر سوال میں درج ہوا کہ دے دی واضح رہے کہ محض طلاق کے ذریعہ زید ہندہ کو اپنے سے علیحدہ کرنا چاہتا تھا یہ بات اگر قیاس آرائی نہیں ہے بلکہ زید کا اقرار ہے تو یہ صاف نیت طلاق کی دلیل ہے لہذا تین طلاقوں کا حکم بحال اور زید کے لئے ہندہ ایسی حرام ہوگی کہ بے حلالہ اسے کبھی حلال نہ ہوگی اور اگر خوب تحقیق ہے کہ زید کی عقل مختل تھی تو طلاق نہ ہوئی مفتی کا کام حکم خدائے قدوس و رسول علیہ الصلاۃ والسلام کو ظاہر کرنا ہے اور حکم اللہ اور اس کے رسول علیہ الصلاۃ والسلام کا ہے جو صورت واقعہ ہو اس پر عمل ضروری ہے ورنہ جھوٹ بولنے سے حرام ہرگز حلال نہ ہوگا بلکہ دو ہر اوبال ہوگا۔ واللہ تعالیٰ اعلم فقیر محمد اختر رضا خاں از هری قادری غفرله ۱۳ / رمضان المبارک ۱۴۰۷ھ