حضرت قاضی مفتی عبد الرحیم بستوی ! السلام علیکم ورحمۃ اللہ و برکاته کیا فرماتے ہیں علمائے دین ومفتیان کرام اس مسئلہ میں کہ: زیدا اپنی بیوی ہندہ کو لینے سسرال گیا۔ زید کی بیوی نے آنے سے صاف انکار کیا۔ اور ساس نے بھی کہا کہ میری بیٹی نہیں جائے گی اور نہ دیہات میں رہے گی۔ دونوں نے کہا (بیوی اور ساس ) آپ یہیں رہے ، زید نے انکار کیا اور کہا میرے والدین باحیات ہیں، والدین کی حیات میں سسرال رہنا بہتر نہیں ہے۔ زید نے اپنی بیوی سے کہا اگر تم کو شوہر سے کوئی شکایت یا تکلیف ہو یا سسرال والوں سے کوئی شکایت یا تکلیف ہو تو کہو۔ ہندہ نے سر عام کہا کہ شوہر اور سسرال والوں سے کوئی شکایت نہیں ہے۔ گفتگو کا سلسلہ ۹؍ بجے رات تک جاری رہا۔ جب سونے کا وقت آیا ہندہ شوہر کے ساتھ رات نہیں گزاری۔ اور زید انتظار کرتا رہا۔ اسی طرح رات کے گیارہ بج گئے اور دریافت کرنے پر معلوم ہوا کہ ہندہ دوسرے کے گھر رات گزارنے گئی ،صبح آئے گی۔ ہندہ کی یہ حرکت دیکھ کر زید کو غصہ آیا اور ساس سے یہ کہتے ہوئے چل دیا کہ: اب سسرال نہیں آؤں گا۔ رات ہی رات زید واپس آگیا۔ ہندہ کے ساتھ کیا سلوک کرنا چاہئے اور اسکے بارے میں کیا حکم ہے؟ وضاحت سے بیان کریں۔ زید بغیر طلاق دے ہوئے دوسری شادی کرسکتا ہے یا نہیں؟ کیا حکم ہے؟ آگاہ کریں ۔ ہندہ میکہ میں رہ کر زید سے نان ونفقہ لینے کا حق رکھتی ہے یا نہیں؟ زید نان ونفقہ دینے سے انکار کرتا ہے۔ اس مسئلہ کو وضاحت سے بیان کریں۔ زید کی کمائی میں ہندہ کا حق ہے؟ اور زید کے والدین کا حق نہیں ہے؟ اس مسئلہ کو بھی وضاحت سے بیان کریں۔ زید نے ہندہ کو طلاق دے دی تو ہندہ کو کیا خرچ دینا پڑے گا۔ زید کی ایک سال کی بچی ہے۔ بچی کے بارے میں کیا حکم ہے؟ بچی ماں کے پاس رہے گی یا باپ کے پاس؟ اس مسئلہ کو بھی وضاحت سے بیان کریں گے ۔ فقط والسلام خادم احقر محمد فاروق کیراف راجندر بھنڈار مقام و پوسٹ گھر گوٹھا چوک ضلع گریڈ یہ (بہار)