الجواب: صورت مسئولہ میں حکم یہ ہے کہ اگر شوہر ثانی نے بغیر ولی کئے ہندہ کو طلاق دے دی تو اس کا نکاح شوہر اول سے صحیح نہ ہوا وہ ہنوز اس کے لئے حرام ہے۔ جن لوگوں کو تحقیق تھی کہ شوہر ثانی نے ہندہ سے وطی نہ کی وہ سب واقف حال، نکاح خواں گواہان و شریکان مجلس گنہگار ہوئے اور وہ پنچایت والے بھی اور وہ نکاح خواں جو اس نکاح کو جائز بتا رہے ہیں ( بر تقدیر صدق سوال ) سخت گنہ گار بلکه مفسد خیال کے ہیں۔ ان سب پر لازم کہ تو بہ صحیحہ کریں ورنہ ان میں جو امام ہیں انہیں امام بنانا جائز نہیں ان کی اقتدا میں نماز مکروہ تحریمی واجب الاعادہ ہوگی۔ غنیہ میں ہے: (1) در مختار میں ہے: (2) لوقدموا فاسقا يأثمون كل صلاة اديت مع كراهة التحريم تجب اعادتها اور ان دونوں مرد و عورت پر فرض ہے کہ فوراً علیحدہ ہو جائیں مگر جب کہ یہ تحقیق ہو کہ شوہر ثانی نے بعد ولی طلاق دی ہے تو نکاح مذکور جائز وصیح ہے۔ اور کسی پر کوئی الزام نہیں ۔ قال تعالى : حَتَّى تَنكِحَ زَوْجاً غَيْرَهُ الآية (3) حدیث میں ہے: لاحتى تذوقي عسيلته ويذوق عسیلتک (4) واللہ تعالیٰ اعلم فقیر محمد اختر رضا خاں از هری قادری غفرله ۲۱ رشوال المکرم ۱۳۹۲ھ لقد اصاب من اجاب۔ واللہ تعالیٰ اعلم قاضی محمد عبد الرحیم بستوی غفرلہ القوی (1) غنية المستملى شرح منية المصلى، فصل في الامامة، ص ۵۱۳ ، سهیل اکیڈمی (2) الدر المختار، كتاب الصلاة، باب صفة الصلاة، ج ۲، ص ۱۴۷ - ۱۴۸ ، دار الكتب العلمية، بيروت (3) سورة البقرة : ٢٣٠ (4) مشکوۃ المصابیح، کتاب الطلاق، ص ۲۸۴ ، مجلس برکات