۱۱؍ جمادی الاولی ۱۴۰۲ھ بالغہ سے اجازت کے بغیر لوگوں نے نکاح کر دیا، کیا حکم ہے؟ کیا فرماتے ہیں علمائے دین و مفتیان شرع متین اس مسئلہ میں کہ: زید نے اپنی لڑکی کی بات چیت یعنی نسبت عمرو کے لئے کر دی تھی اب اس دوران میں بکر نے اس لڑکی کے نکاح کا پیام دوسری جگہ کے لئے دیا تو زید نے کہا کہ اس لڑکی کی بات چیت میں کر چکا ہوں اگر آپ کو اپنے پیام کا پاس ہے تو میں منجھلی لڑکی کر سکتا ہوں وہ بھی جب کہ میں خود دیکھ بھال لوں ، اب بکر نے یہ کیا کہ ان لڑکیوں کا بھائی جو دوسرے گاؤں میں رہتا تھا اس کو کچھ رقم دے دلا کر اس سے مہمانی کے واسطے اسی بڑی لڑکی کو جس کی نسبت ہو چکی تھی بلوا کر نکاح پڑھوانا چاہا۔ تولڑکی نے اذن دینے سے صاف انکار کر دیا اور کہا کہ میری نسبت عمرو کے ساتھ ہو چکی ہے لڑکی عاقل و بالغ پڑھی لکھی ہے مگر ویسے ہی وکیل شاہدوں نے کہہ دیا کہ اذن دے دیا زید کو جب پتہ چلا تو ناراضگی کا اظہار کرتے ہوئے لڑکی کو لینے گیا تو زید سے وہاں کے کچھ لوگوں نے کہا اس کا تو نکاح ہو چکا ہے تو زید نے پردھان سے کہا، پردھان نے و دیگر پنچوں نے لڑکی سے پوچھا کیا تیرا نکاح ہو گیا ہے لڑکی نے پردھان و پنچایت کے رو برو قسم کھا کر کہا کہ میں نے اذن نہیں دیا ہے جبراً نکاح کیسا؟ پردھان و پنچایت نے لڑکی زید کے حوالے کر دی زید اپنے