الجواب: وکیل کو یہ کہنا جائز نہ تھا کہ یہ ادا کرنے کی چیز نہیں ہے نہ یہ ادا کیا جاتا ہے کہ یہ گناہ کی ترغیب ہوئی اور شریعت پر افتراء علیحدہ مہر کا ادا کر نا مہ شوہر پر لازم ہے اور ادا نہ کرنے کی نیت سے نکاح کرنا گناہ ہے۔ حدیث میں فرمایا کہ ایسا شخص قیامت کے دن زانی اُٹھے گا مگر اس سے نکاح میں فرق نہیں آیا بلکہ نکاح مذکور صحیح و نافذ ہے جبکہ لڑکی اپنا بالغ ہونا بتاتی ہو اور اس کی ظاہری حالت اس کے اقرار کو نہ جھٹلاتی ہو۔ ورنہ اس کے باپ یا دادا کی اجازت پر موقوف ہے۔ انہوں نے اگر جائز کر دیا، جائز ہو جائے گا اور رد کر دیا تو رد ہو جائے گا اور اگر باپ دادا نہ ہوں تولڑکی کے ولی اقرب کی اجازت پر موقوف ہے اور اگر ولی اقرب غائب به غیبت منقطعہ تھا اور غیبت منقطعہ یہ کہ ولی ایسی جگہ ہو کہ اس کی رائے معلوم ہونے تک کفو حاضر فوت ہو جائے تو ولی ابعد کی اجازت پر موقوف ہے اور باپ دادا کے علاوہ دیگر اولیا کی اجازت سے جائز اس وقت ہوگا جبکہ مہر میں غبن فاحش نہ ہوا ہو اور نکاح کفو سے ہوا ہو کہ باپ دادا اگر غیر کفو میں مہر میں غبن فاحش کے ساتھ اپنی اولاد کا نکاح کر دیں تو نافذ ہے جبکہ معروف به سوء اختیار نہ ہوں۔ درمختار میں ہے: فان راهقاً بلغا هذا السن فقالا بلغنا صدقا ان لم يكذبهما الظاهر كذا قيده في العمادية وغيرها )) اسی در مختار میں ہے: لزم النكاح بغبن فاحش بنقص فى مهرها وزيادة فى مهره او زوجها بغير كفوان كان الولى المزوج بنفسه بغبن أبا أو جداً و كذا المولى ابن المجنونة لم يعرف منهما سوء الاختيار وان عرف لا يصح النكاح اتفاقاً وان كان المزوج غيرهما لا يصح النكاح من غير كفو أو بغبن فاحش اصلا‘(۲)۔ واللہ تعالیٰ اعلم فقیر محمد اختر رضا خاں از هری قادری غفرله