اقل مہر کی مقدار کیا ہے؟ مہر معجل دیے بغیر جماع کے لئے جبر نہ کرے! مفقود الخبر کا مسئلہ ! بخدمت مفتی اعظم ہند دامت برکاتہم العالیہ ! السلام علیکم (1) آج کل شادیوں میں اکثر دیکھا جاتا ہے کہ لوگ پیغمبری مہر باندھتے ہیں یعنی تین روپیہ سوادس آنہ ۔ علمائے دین سے گزارش ہے کہ مہر کم از کم کتنا ہونا چاہئے؟ لکھنے کی زحمت گوارا فرمائیں! (۲) لڑکے کی شادی ہوئی اور لڑکے میں اتنی طاقت نہیں کہ وہ مہر پہلی رات میں ادا کر دے اور بیوی مہر معاف نہیں کرتی تو میاں بیوی ایک ساتھ ہو سکتے ہیں یا نہیں؟ (۳) ضروری تحریر یہ ہے کہ نابالغ لڑ کی کی شادی ہوئی تھی اس کے والدین رسم ورواج کے مطابق لڑکی کو اس کے سسرال بھیج دیئے ۱۹۷۵ ء ماہ جون میں رخصت کئے تھے مگر لڑکا نہیں تھا۔ یعنی جب سے شادی ہوئی لڑکا اور لڑکی ایک جگہ نہیں ہوئے ہیں اور بعد رخصت ہونے کے آج تک اس کا شوہر اس کی خبر نہیں لیا اور قریب سال بھر سے پستہ بھی نہیں ہے کہ اس کا شوہر کہاں ہے۔ لڑکی بالغ ہو چکی ہے کب تک یوں اپنی زندگی برباد کرے اور نہ میکے والوں میں اتنی طاقت ہے کہ ہمیشہ اس کی حفاظت کریں۔ غریب آدمی ہے لہذا علمائے دین سے گزارش ہے کہ اب اس لڑکی کو یونہی بیٹھا رہنے دیا جائے یا اب وہ آزاد ہو چکی ہے؟ شادی ہوسکتی ہے یا نہیں ؟ علمائے دین اس کے بارے میں کیا لکھتے ہیں؟ اس ناچیز سے اگر تحریر میں یا جملے میں کسی قسم کی غلطی ہوا سے معاف فرما کر ان فتاوی پر غور فرما کر اس خاکسار تک بھیجیں۔ عین نوازش ہوگی! ناچیز حافظ محمد حنیف رضوی ۱۰ رمئی ۱۹۷۷ء