کیا فرماتے ہیں علمائے دین و مفتیان شرع متین مندرجہ ذیل مسئلہ میں کہ: میرے یہاں دیگیں کرائے پر چلتی ہیں وہ دیکھیں کئی لوگوں کی ہیں ان میں میرے چچا کی ایک دیگ ہے، چا کا انتقال ہو گیا ان کا لڑکا پاکستان میں تھا اس کا بھی انتقال ہو گیا، دیگ کا کرایہ جمع کر رہا ہوں، چاکے چار پوتے ہیں اور تین پوتیاں ہیں اور ایک ان کے لڑکے کی بیوی ، وہ کرایہ میں کس کو دوں؟ پوتوں کو یا پوتوں کی ماں کو؟ وہ سب بھی پاکستان ہیں، جب پاکستان جاؤں گا تو ان کو دوں گا، یا وہ ہندوستان آئیں تو یہیں پر دوں گا۔ اب یہ بتایا جائے جو کرایہ ان کا جمع ہے تقریباً دو ڈھائی ہزار روپے، اس کی ہر سال زکوۃ انہی روپوں میں سے نکال دیتا ہوں، یہ جائز ہے یا نہیں؟ کیونکہ چچانے تو مجھ سے کہا نہیں تھا، اب جو میں نے زکوۃ نکالی ہے وہ ٹھیک ہے یا نہیں؟ اور اگر نہیں تو میرے لئے شریعت کا کیا حکم ہے؟ اور میں کیا کروں؟ ایسی صورت میں تحریر فرمائیں۔ المستفتی: ہدایت رسول محلہ بھورے خاں، پیلی بھیت