کیا فرماتے ہیں علمائے دین ومفتیان شرع متین حسب ذیل مسئلہ میں کہ: (۱) ہمارے محلہ میں ایک مدرسہ ہے، ہم لوگوں نے اس کو قریب دو سال سے قائم کیا ہے جس کا نام نامی اسم گرامی مدرسہ دیوان موسیٰ انوار العلوم رکھا ہے، اس مدرسہ میں غریب اور امیر سب کے نیچے تو حاصل کرتے ہیں، اس مدرسہ میں جو مدرس ہیں، ان کی تنخواہ ہم لوگ محلہ والے آپس میں چندہ کر کے دیتے ہیں لیکن وہ مدرسہ جو تعمیر کیا گیا اس میں کچھ زکوۃ و فطرہ چرم کا پیسہ لگایا گیا ہے تو کیا اس حالت میں مدرسہ کی تعمیر درست ہے یا نہیں؟ شریعت کے قانون سے جواب عنایت فرما ئیں۔ اگر درست ہے تو ٹھیک ہے اگر درست نہیں ہے تو ہم لوگ کس طرح کیا کریں؟ یہ معلوم کرائیں ! (۲) امسال بھی ہم لوگوں نے کچھ پیسہ زکوۃ و فطرہ چرم قربانی کے جمع کیے ہیں اور ہمارے مدرسہ میں دو بچے یتیم یعنی ایک لڑکا اور ایک لڑکی۔ ہم لوگ چاہتے ہیں کہ اس جمع کیے ہوئے پیسے سے ان دو یتیم بچوں کو کپڑا بنا کر دے دیں اور ان لوگوں کے پڑھنے کی جو کتاب وغیرہ ہے، اسے بھی دیں گے باقی جو کچھ پیسہ بچے گا اس پیسہ کو ہم لوگ مدرسہ کے کام میں صرف کر سکتے ہیں یا نہیں؟ اس کا بھی شریعت کے قانون سے جواب عنایت فرمائیں۔ یہ یادر ہے کہ ہم لوگ ان دو یتیم بچوں سے مدرس کی تنخواہ کا بھی چندہ نہیں لیتے ہیں۔ المستفتی: حافظ شیخ الہی بخش قادری پیش امام گرایور مسجد، کشوه، ( اڑیسہ)