امت عرف شرع میں تابعان نبی علیہ السلام کو کہتے ہیں! قبلہ و کعبه بندونوا محترم بزرگوار جناب مفتی صاحب قبلہ! السلام علیکم ورحمتہ اللہ و برکاته گزارش خدمت یہ ہے کہ حسب ذیل سوال کا فتویٰ ارسال فرمانے کی تکلیف گوارا کریں ۔ عین نوازش ہوگی ! آج مؤرخہ ۱۲ شعبان ۱۴۰۲ھ بروز شنبہ کو کسی شخص کے یہاں قرآن خوانی میں مع طلباء و مدرسین کے گئے ، منزل پر پہنچنے کے بعد جگہ کی کمی کی وجہ سے کچھ طلباء دومنزل مکان پر قرآن شریف پڑھنے کے لئے گئے اور کچھ طلباء اور مدرسین نیچے کمرے میں قرآن شریف پڑھنے کے لئے تشریف آور ہوئے اور قرآن خوانی و ایصال ثواب کے بعد نیچے کمرے میں جتنے شخص تھے، ان لوگوں کو ناشتہ صاحب خانہ نے کرایا، اس کے بعد صاحب خانہ نے ایک مدرس سے مخاطب ہو کر یہ کہا کہ تم اپنی امت کو بلاؤ ، صاحب خانہ کا اشارہ دو منزلہ کے طلباء پر تھا۔ بہر کیف اس کے بارے میں علمائے دین کیا فرماتے ہیں؟