الجواب: (1) حضور پر نور اولیاء اللہ وعلمائے دین کو کہنا جائز ہے اور کہا جاتا ہے یہ لقب حضور صلی اللہ علیہ وآلہ و صحبہ وسلم کے ساتھ خاص نہیں اور کہنے والے کو امام بنانا جائز ہے۔ جبکہ لائق امامت ہو۔ واللہ تعالیٰ اعلم (۲) دوسرے بزرگوں کو بھی اعلیٰ حضرت کہنا فی نفسہ جائز ہے ۔ مگر جبکہ یہ لقب اعلیٰ حضرت فاضل بریلوی علیہ الرحمتہ کے ساتھ خاص سا ہو گیا ہے اور خاص و عام انہیں کو اعلیٰ حضرت کہتے ہیں تو دوسرے کو اعلیٰ حضرت کہنا ایہام امر غیر مناسب ہوسکتا ہے لہذا احتراز بہتر ۔ ان کیلئے دوسرے القاب تعظیمی بولیں اور فتنہ و اختلاف سے بچیں اور اگر نیت یہ ہو کہ اعلیٰ حضرت کا لقب دوسرے بزرگ کو دے کر اعلیٰ حضرت کی شان گھٹا دیں اور ان بزرگ کی عزت بڑھا دیں تو یہ خیال خام نہ اس سے اعلیٰ حضرت کی شان گھٹے نہ ان بزرگ کی عزت ان کی بڑھانے سے بڑھے۔ نہ ایسی نیت سے وہ بزرگ خوش ہوں کہ گناہ کی نیت ہے اور گناہ کی نیت سے خدا اور رسول ناراض ہوتے ہیں۔ تو وہ بزرگ کب خوش ہو سکتے ہیں؟ ایسی نیت والوں کیلئے سوء خاتمہ کا اندیشہ ہے۔ عالمگیری میں ہے: ،، من ابغض عالما من غير سبب ظاهر خيف عليه الكفر (1) جو کسی عالم سے بے وجہ شرعی بغض رکھے اس پر کفر کا اندیشہ ہے۔ تو امام العلماء امام اہل سنت مجدددین وملت کے بارے میں کیا خیال ہے؟ بلا وجہ ان کی عداوت کتنی بدانجام ہوگی؟ واللہ تعالیٰ اعلم فقیر محمد اختر رضا خاں از هری قادری غفرلہ ۳۴۶۰ صح الجواب تحسین رضا غفرلہ علماء کی گستاخی حرام بلکہ کفر ہے اور اگر ایسا کرنے والا تو بہ نہ کرے تو عوام مسلمین پر اس کا بائیکاٹ ضروری ہے! (1) فتاوی هندیه ، ج ۲، کتاب السير الباب التاسع ، ص ۲۸۳ ، دار الفکر بيروت