الجواب: مقرر نے توریت و زبور و انجیل کے بابت جو کچھ بکا وہ نہایت سخت ہے اور اپنے اطلاق کی وجہ سے نہ صرف ایہام معنی کفری پیدا کرتا ہے بلکہ بہ قرینہ مقابلہ بہ قرآن عظیم ذہن انہیں کتب صحیحہ غیر محرفہ کی طرف متبادر ہوتا ہے۔ اور یہاں مجرد ایہام ممانعت میں کافی تھا چہ جائیکہ متبادر ہونا۔ رد المحتار میں ہے: ”مجرد الايهام كاف في المنع عن التلفظ بهذا الكلام“ بلکہ فتح القدیر میں محض ریحام پر تکفیر کا قول نقل فرما کر اس کی تحسین فرمائی۔ اس کی عبارت یہ ہے: ”وقيل يكفر بمجرد الاطلاق ايضا و هو حسن“ مگر یہ ارشاد فقہا کے طور پر جو معنی کفری کا احتمال بھی تکفیر میں کافی جانتے ہیں۔ مقر مذکور اللہ تعالیٰ سے ڈرے اور دیکھے کہ اس کا قول کس قدر شنیع فقطیع ہے کہ جماعت فقہاء کے نزدیک کفر ٹھہرتا ہے تو دوسرے طور پر اس کی بیان کردہ مراد مسموع نہ ہوگی۔ مگر بحمدہ تعالیٰ ہم اس باب میں متکلمین کی محتاط روش پر چلتے ہیں اور کلام میں جب تک کوئی احتمال مانع تکفیر قائم ہو زبان تکفیر کے ساتھ نہیں کھولتے ۔ درمختار میں ہے: ”لا یفتی بکفر مسلم امکن حمل کلامه علی محمل حسن ولو كان روايته ضعيفة“ الہذا اس جملہ پر زید کی تکفیر نہ کی جائے گی مگر تو بہ ضرور کرے اور احتیاطاً تجدید ایمان بھی لازم ہے اور شادی شدہ ہو تو تجدید نکاح بھی کرے۔ در مختار میں ہے: ”ومافيه خلاف يومربالاستغفار والتوبة وتجديد النكاح-ا“ واللہ تعالیٰ اعلم اور مقرر مذکور کا ویدوں اور چوپائیوں کو آسمانی کتابیں کہنا بھی باطل ہے اور شریعت پر افتراء ہے۔ اس سے بھی اس پر تو بہ وتجدید ایمان لازم ہے کہ یہ بلا دلیل غیر معلوم النبوۃ کو نبی کہنا ہے جو حرام ہے۔ اور ہمارے نبی علیہ السلام سے متاخر کے لئے اثبات نبوت کفر ہے اور گرونانک قطعا متأخر ہے۔ فقیر محمد اختر رضا خاں از هری قادری غفرلہ صبح الجواب واللہ تعالیٰ اعلم قاضی محمد عبدالرحیم بستوی غفرلہ القوی ۹رذی الحجہ ۱۳۹۸ھ