کیا فرماتے ہیں مفتیان دین وملت اس مسئلہ میں کہ ایک غیر مزروعہ زمین عرصہ دراز سے بیکار پڑی ہوئی تھی جس کے بارے میں غیر مسلموں کا یہ خیال تھا کہ یہاں کچھ ہے۔ اسی علاقہ میں ایک پیر صاحب کا آنا ہوا جو بظاہر متقی پرہیز گار ہیں، انہوں نے اس زمین پر مراقبہ کیا اس کے بعد کہا کہ یہاں ایک بزرگ کی قبر ہے پھر قبر کی انہوں نے نشاندہی کی مگر اس علاقہ کے بڑے بوڑھوں کا کہنا ہے کہ ہمارے علم میں یہاں کبھی کوئی قبر نہیں تھی اور اپنے بڑے بوڑھوں سے بھی وہاں قبر ہونے کے بارے میں کبھی نہیں سنا گیا۔ پیر صاحب کی بتائی ہوئی جگہ پرلوگوں نے شاندار پختہ قبر بنادی ہے۔ عرس ہوتا ہے، قوالیاں بھی ہوتی ہیں ۔ اب دریافت طلب امر یہ ہے کہ اس قبر پر فاتحہ پڑھنا، اس کے عرس میں شرکت کرنا یا کسی طرح اس کا تعاون کرنا اور علماء کو وعظ کے لئے اس عرس میں جانا جائز ہے یا نہیں؟ بینوا تو جروا المستفتی: زین الله همتی مدرس انوار الرضا، گوند (یوپی)