اپنی غلطیوں پر نادم اور تائب ہو کر پنجگانہ نماز ادا کرنا چاہتا ہے؟ مگر اس کا کہنا ہے کہ چھوٹی ہوئی نمازوں کا کیا اور کیسے حساب ہوگا ؟ وہ مجھ سے ادا نہیں ہو سکتیں۔ اس لئے اس نماز کا کیا راستہ ہو گا؟ مجھے کوئی اطمینان دلا دیتا تو میں آج سے پنجگانہ نماز ادا کرتا اور ان شاء اللہ کوئی راستہ نکل گیا تو آج سے میں نماز قضا نہیں کروں گا۔ اگر بوجہ مجبوری قضا بھی ہو گئی تو اس کو ادا کروں گا۔ ان شاء اللہ تعالیٰ ! اب عرض یہ ہے کہ زید کہتا بھی ہے کہ چھوٹی ہوئی نمازیں مجھ سے ادا نہیں ہوں گی ۔ اگر کوئی دیگر راستہ شرعی نکل آیا تو میں تو بہ کرتا ہوں اور نادم ہو کر اس بات کا اقرار کرتا ہوں کہ اب نماز نہیں چھوڑوں گا لہذا حکم فرمایا جائے کہ زید کے لئے کون سا راستہ ہوگا اور اس کو کیا کرنا پڑیگا کہ اس کو انجام دے کر نمازی بن جائے اور چھوٹی ہوئی نمازوں کے لئے اللہ تعالیٰ کے دربار میں ماخوذ نہ کیا جائے۔ (۵) زید کا مکان شہر سے تقریباً ۲۷ کلومیٹر کی دوری پر دیہات میں ہے۔ اس کے دوسرے ٹولہ یعنی موضع میں جمعہ کی نماز ہوتی آرہی ہے مگر زید جمعہ کی نماز کو روکتا نہیں ہے، پہلے وہ خود بھی اس مسجد میں جمعہ کی نماز ادا کرتا تھا مگر اب چند وجوہات سے اس مسجد میں جمعہ کی نماز ادا کرنے نہیں جاتا ہے اور دیہات ہونے کی وجہ سے اس علاقہ دہی کی دیگر مسجدوں میں بھی جا کر جمعہ کی نماز ادا نہیں کرتا ہے بلکہ گھر میں ظہر کی نماز ادا کر لیتا ہے اور دوسروں کو جمعہ سے نہیں روکتا۔ یہ اس کا فعل کیسا ہے؟ ایسا کرنا درست ہے یا نہیں؟