کیا فرماتے ہیں علمائے دین و مفتیان شرع متین مسئلہ ذیل میں کہ (۱) زید کی بیوی کا انتقال ہو گیا اور اس کے شوہر نے مہر بھی ادا نہیں کیا ہے اور نہ ہی ہندہ نے معاف کیا ہے اور ابھی ہندہ کا ایک لڑکا ایک لڑکی اور اس کے والدین بھی موجود ہیں، زید کومہر دینا ہوگا کہ نہیں اگر دینا ہو گا تو کس کو دے گا اور مہر کی رقم میں زید کا حق ہے یا نہیں اور ہندہ کے ورثہ اگر مہر معاف کر دیں تو معاف ہوگا یا نہیں؟ (۲) ہندہ نے مہر معاف کر دیا اس کے چند ہی دنوں کے بعد زید نے کھانے پینے میں کمی کی جس سے وہ تنگ آگئی تو جو مہر معاف کر دیا تو ان مجبوری کی بنا پر معاف کیا ہوا مہر اس کے اوپر عائد ہوگا یا نہیں اور اگر طلاق دے دی تو معاف کیا ہوا مہر دینا ہوگا یا نہیں؟ (۳) غلط مسئلہ بتانے والے پر شریعت کا کیا حکم ہے؟ (۴) قصد أنماز ترک کرنے والا ز نا کرانے والی عورت سے کیا زیادہ گنہگار ہے؟ (۵) پینٹ پہننا کیسا ہے اور اس کو پہنکر نماز پڑھنا کیسا ہے؟ (1) کافر سے دوستی رکھنا ان کے یہاں شادی وغیرہ میں جانا ان کے یہاں کھانا اور اس کو اپنے یہاں اپنے برتنوں میں کھلانا کیسا ہے؟ اور وہ برتن ناپاک ہوگا یا نہیں؟ قرآن وحدیث کی روشنی میں جواب عنایت فرمائیں!