کیا فرماتے ہیں علمائے دین و مفتیان شرع متین اس مسئلہ میں کہ زید ایک جھگڑے میں جبکہ زید سے اور جھگڑے سے کوئی تعلق نہیں، پولیس اسٹیشن پر بلا وجہ بلا یا گیا، تو بکر نے جو غیر شخص ہے زید اور اس کے وارثان کے بغیر دریافت کئے ہوئے ڈھائی ہزار روپیہ پولیس کو دے دیا بطور رشوت، جب زید اپنے مکان پر پہنچا تو بکر نے بتایا کہ تمہاری طرف سے میں نے ڈھائی ہزار روپے تھا نہ میں دیا ہے، آپ وہ روپیہ مجھے دے دیں میں نے کہا کہ آپ نے میری اجازت کے بغیر کیوں روپیہ دیا ؟ خیر زید نے بموجب کہنے کے بکر کو روپیہ دے دیا اور زید نے بکر سے کہا کہ میں اس کی شکایت افسران اعلیٰ کے سامنے کروں گا تمہیں اس کی گواہی دینا ہوگی تو بکر نے انکار کیا اور کہا گواہی نہیں دوں گا ۔ ایسے میں از روئے شرع بکر کا فریب اور رشوت دلا نا از روئے شرع صحیح ہے یا غلط؟ کیا بکر کسی شرعی معاملات میں گواہی دینے کے لائق ہے؟ از روئے شرع مطہرہ جواب مفصل طریقے سے ارشاد فرما یا جاوے۔ عین نوازش ہوگی السائل : حاجی چودھری عبدالرشید صاحب ساکن قصبہ بیری مضلع بریلی شریف (یوپی)