کے لیے جب کوئی کام ضروری پڑ جائے جیسے کہ دکان بارش کے ایام میں ٹپک رہی ہو یا اور کوئی کام ہو تو ان پر آنے جانے کے لیے راستہ مسجد ہی سے ہے اور وہ لوگ جاتے ہیں تو ان کو منع کرنے میں بھی دقت ہے اس لیے کہ دکان کرایہ پر ہیں اور ان کو خالی بھی نہیں کراسکتے ہیں تو ایسی صورت میں کیا ہونا چاہیے۔ (۳) ہماری مسجد بہت شاندار ہے اور وسیع ہے اکثر ہندو لوگ اس کو دیکھنے آتے ہیں اس کی خوبصورتی کو دیکھتے ہیں تو ان ہندؤں کو منع کیا جائے تو کس طرح یا ان کو دیکھنے دیا جائے اور یہ ظاہر ہے کہ اگر منع بھی کیا جائے گا تو وہ لوگ جہاں تک میرا خیال ہے باز نہیں آئیں گے۔ جیسے کہ دہلی ، آگرہ، بدایوں، پہیلی بھیت وغیرہ کی جامع مسجدیں ہیں جو کہ بہت وسیع ہیں ان مسجدوں کو دیکھنے کے لیے دور دور سے بڑے بڑے ہندو، انگریز وغیرہ آتے دیکھتے ہیں تو ان کے لیے کیا حکم ہے؟ (۴) زید نے ایک قطعہ زمین بشکل کھنڈر خریدی اسی زمین میں سے آدھی زمین دینے کا وعدہ زید نے اپنے ایک عزیز سے کیا۔ اور اسی کا نام لکھوا دیا۔ ادھر زید کی جانب کے ایک پڑوسی نے جھگڑا اٹھایا کہ اس پورے پلاٹ میں سے ہمیں اپنی زمین ملنا چاہیے ادھر ہمارا جھگڑا پڑوسی سے چل اٹھا اور ادھر ہمارے عزیز نے فوراً پوری زمین سے آدھی بانٹ کر لے لی ادھر پڑوسی نے بے ایمانی سے زید کی جانب سے زمین لے لی اب زید نے اپنے عزیز سے کہا کہ تم نے تو پہلے ہی آدھی زمین بانٹ کر لی لہذا اب پھر سے بانٹو کیوں کہ اسی پورے پلاٹ میں سے پڑوسی نے بے ایمانی سے ایک طرف کی زمین لے لی ہے تو زید کے عزیز نے کہا کہ میں نہیں دونگا میں نے ادھر زمین لے لی ہے اپنے میں سے کسی کو دو تو زید نے کہا کہ بھائی اس پڑوسی نے پورے پلاٹ میں سے بے ایمانی سے زمین لے لی تمہیں تو یہ جھگڑا طے ہونے کے بعد آدھی چاہیے تھی غرضیکہ زید کے عزیز بھی انکار کرتے ہیں تو زید کے عزیز کے لیے کیا حکم ہے ان دونوں کا حکم تحریر فرمائیے اور زید کے عزیز کا کہنا کہ میں نے تو اپنی دیوار اٹھالی ہے۔ زید نے کہا کہ دیوار توڑو غرضیکہ زید کا عزیز انکار کر رہا ہے۔ المستفتی : حافظ عبدالمجید کیر آف تشکیل الرحمن سمس ز دگھیر بھر فی محله پنجابیان پیلی بھیت