شادی تھی، فقیر زید کو بلانے اس کے گھر گیا، اس وقت زید کے گھر اور بھی کئی لوگ بیٹھے ہوئے تھے، فقیر نے تمام لوگوں سے کہا کہ وہ شادی میں چلیں لیکن کسی نے بھی کچھ نہ کہا، انہی لوگوں میں ایک شخص قمر بھی تھا، اس نے کہا کہ یہ لوگ تمہاری شادی میں اس وجہ سے نہیں جانا چاہتے ہیں کہ زید کے لڑ کے عمرہ اور اس کی بیوی نے خنزیر کا گوشت کھایا ہے اور زید اس بات کو چھپانا چاہتا ہے اور اپنے گھر والوں کی طرفداری کرتا ہے، ہم نے زید سے کہا کہ وہ اپنے گھر والوں کو لے کر بریلی بڑے مولوی صاحب کے یہاں جائے اور تو بہ کرے، زید اپنے لڑکے بکر کو لے کر بریلی گیالیکن بڑے مولوی صاحب کے یہاں نہیں گیا، جب وہ بریلی سے واپس آیا تو ہم نے اس کے لڑکے سے پوچھا کہ تم لوگ بڑے مولوی صاحب کے یہاں گئے تھے ؟ تو لڑکے نے کہا کہ ہم بڑے مولوی صاحب کے یہاں نہیں گئے تھے بلکہ بریلی میں ہی کسی ایک جگہ رک گئے تھے اور واپس چلے آئے، قمر نے کہا کہ زید کے تم سے تعلقات ہیں اس لئے یہ لوگ نہیں آنا چاہتے ، اس کے بعد قمر نے کہا کہ یہ مذہب کی بات ہے ہم سب مل کر اسے طے کر لیں تو اس پر اس مسلمان فقیر نے کہا کہ مذہب کی ماں ۔۔۔۔۔۔ کو قمر کو یہ جملہ بہت ناگوار معلوم ہوا اور وہاں سے اُٹھ کر چلا آیا۔ شریعت مطہرہ کا ان لوگوں کے بارے میں کیا حکم ہے؟ فقط ۔ سائل : محمدمحمود خاں محلہ صوفی ٹولہ، بریلی (یوپی)