کیا فرماتے ہیں علمائے دین اور مفتیان شرع متین مسئلہ ذیل میں کہ: ایک ایسی جگہ یا ایسی مجلس جہاں ایسے مسلمان صحیح العقیدہ بیٹھتے ہیں جس کے مسلمان ہونے یا ان کے عقائد میں ذرہ برابر بھی شک نہیں ، زید صرف بغض و حسد کی بنا پر ایسی جگہ کو دار الندوہ بتاتا ہے اور کہتا ہے یہ دارالندوہ کہ مکہ میں تھا اس کا سینٹر لکھنو میں بھی ہے۔ اب دریافت یہ کرنا ہے کہ مسلمان صحیح العقیدہ کے بیٹھنے کی جگہ یا ان کی گفتگو کی مجلس کو دارالندوہ جہاں کفار مکہ نے سرکار دو جہاں کے قتل کا مشورہ کیا تھا قرار دینا از روئے شرع جائز ہے یا نا جائز ہے؟ بعض لوگوں کا کہنا ہے کہ یہ کہنا جائز ہے چونکہ دارالندوہ کا معنی مجلس مشاورت ہے اور عمرو کا کہنا ہے کہ اگر دارالندوہ سے وہی دارالندوہ مراد ہے جہاں کفار مکہ نے سرکار کے قتل کا مشورہ کیا تھا تو یہ نا جائز ہے ایسے کہنے والے پر تو بہ وتجدید ایمان ضروری ہے تو کیا عمرو کا یہ قول صحیح ہے بعض حضرات عمرو کے اس قول کی تردید کرتے ہیں، یہ تر دید صحیح ہے؟ جواب باصواب سے آگاہ فرمائیں۔ حضور مفتی اعظم ہند دامت برکاتہم القدسیہ کی تصدیق ضروری ہے فقط والسلام مولانا منصور احمد عزیزی صدر مدرسہ سراج العلوم مہراج گنج، ہر مہر نبی ضلع اور تنگ آباد، بہار