کیا فرماتے ہیں علمائے دین ومفتیان شرع متین مسئلہ ہذا میں کہ: (1) اصل شیعہ اصحاب ثلث کی توہین کرتے ہیں کہ انہوں نے حضرت علی رضی اللہ تعالیٰ عنہ سے جھگڑا کر کے خلافت چھین لی اور حضرت عثمان غنی رضی اللہ تعالیٰ عنہ نے معاذ اللہ قرآن کریم سے ۱۰ر پارے جو کہ حضرت علی رضی اللہ تعالیٰ عنہ کی شان میں تھے ، وہ نکال دیے اور باغ فدک جو کہ حضرت فاطمتہ الزہرہ رضی اللہ تعالیٰ عنہا کے حصہ میں آتا تھا، وہ نہیں دیا اور حضرت امیر معاویہ رضی اللہ تعالیٰ عنہ نے حضرت علی شیر خدا سے جنگ کی اور حضرت امیر معاویہ رضی اللہ عنہ کو شیعہ لوگ معاذ اللہ کتا کہتے ہیں کہ ان کو حضور سید عالم صلی اللہ علیہ وسلم نے اپنی مجلس اقدس سے اٹھا دیا اور فرمایا کہ اے معاویہ تیرے بدن میں کتے کی بو آتی ہے جو کہ بعد میں میری آل کے اوپر ستم و ظلم کرے گی ، جو لوگ ایسے لوگوں سے تعلق رکھتے ہیں اور ان میں رشتہ داری رکھتے ہیں اور ان کو مسلمان جانتے ہیں ان کے بارے میں شریعت مطہرہ کا کیا حکم ہے؟ (۲) اور جو لوگ وہابیوں سے تعلق رکھتے ہیں، اُن کے ساتھ کھاتے پیتے، ان کے پیچھے نمازیں پڑھتے ، ان کو مسلمان جانتے ہیں وہ لوگ کن لوگوں کے زمرہ میں شمار کئے جائیں گے؟ ایسے لوگوں کو اپنی جلس میں بلانا چاہئے یا نہیں؟ المستفتی : سید بشارت حسین ، موضع بستی ضلع پونچھ کشمیر (انڈیا)