الجواب: نیاز و فاتحہ اور اولیائے کرام کے مزارات پر چادر ڈالنا اور کلمہ شریف کا ورد بہیئت مروجہ معمولات اہلسنت میں ہے جن کی ممانعت پر شرع مطہر سے اصلا دلیل نہیں ، بلکہ ان کے جواز واستحسان پر دلیل ہے اور ان امور میں سنیوں پر طعن ممنوع و حرام ہے بلکہ گمراہی و بے دینی ہے کہ قرآن کریم نے اسے صاف مسلمانوں سے الگ راہ چلنا بتایا ہے ۔ قال تعالى : وَ مَنْ يُشَاقِقِ الرَّسُوْلَ مِنْ بَعْدِ مَا تَبَيَّنَ لَهُ الْهُدَى وَ يَتَّبِعْ غَيْرَ سَبِيْلِ الْمُؤْمِنِيْنَ نُوَلِّهِ مَا تَوَلَّى وَنُصْلِهِ جَهَنَّمَ - وَ سَاءَتْ مَصِيرًا (۱) آیت کریمہ سے صاف ظاہر ہے کہ مسلمانوں کا تعامل حجت ہے اور اس کی ممانعت اللہ ورسول جل و علا وصلی اللہ تعالیٰ علیہ وآلہ وصحبہ وسلم کی دشمنی اور مسلمانوں کی راہ سے ہٹنا ہے جن پر آدمی کو یہ وعید ہے کہ ہم اسے آخرت میں اسی گھر ہی کے سپرد کر دیں گے اور جو ان سے جدائی اختیار کرے جہنم میں پہنچادیں گے اور وہ کتنا برا ٹھکانہ ہے۔ خازن میں ہے: " (نوله ما تولى) نكله في الآخرة الى ما تولى فى الدنيا وتتركه وما اختار لنفسه ") (۲) اسی میں ہے: " ان اتباع غير سبيل المؤمنين وهى مفارقة الجماعة حرام فوجب ان يكون اتباع سبيل المؤمنين واجبا فثبت بهذا أن اجماع الامة حجة "(۳) مدارک میں ہے: "(و يتبع غير سبيل المؤمنين) هو دليل على ان الاجماع حجة لا تجوز مخالفتها كما لا تجوز مخالفة الكتاب والسنة لان الله تعالى جمع بين اتباع غير سبيل المؤمنين وبين مشاقة الرسول فى الشرط [الى] فكان اتباعهم واجبا كموالاة الرسول " اور اس میں شک نہیں کہ ان اعمال کے استحسان پر تمام اہل سنت کا اتفاق اور بلانکیر اس پر تعامل دیار و امصار میں از منہ طویلہ سے چلا آتا ہے اور شرع مطہر سے اصلا ان کی ممانعت نہیں، تو انہیں جائز و سحسن جاننا واجب ہے ، ومن ادعی فعلیہ البیان۔ اور بے دلیل شرع محض زور زبان سے ناجائز و حرام بتانا حرام اور بد کام گمراہی و بے دینی انجام کہ ممانعت خد اور رسول جل و علا وصلی اللہ تعالیٰ علیہ وسلم بلکہ ان کی تکذیب ہے۔ حدیث میں ہے کہ فرماتے ہیں رسول کریم علیہ الصلوۃ والتسلیم : "ما رأه المسلمون حسنا فهو عند الله حسن جسے مسلمان اچھا سمجھیں وہ اللہ کے نزدیک بھی اچھا ہے۔ اور فرماتے ہیں علیہ السلام: "لا تجتمع امتى على الضلالة " میری امت گمراہی پر اکٹھانہ ہوگی۔ توان امور میں سنیوں پر گمراہی کی تہمت خد اور رسول کی تکذیب اور خود بے دین بننا ہے ۔ البتہ یہ اعتقاد کہ چولہے ہی کے پاس بیٹھ کر کھانا ضروری ہے ، ممنوع ہے۔ جس کا یہ عقیدہ ہو اسے اس سے (1) مدارك التنزيل، سورة النساء، آیت: ۱۱۵، ج ١ ، ص ٣٦٥، دار النفائس (2) المقاصد الحسنة للسخاوى ، ص ٤٢٢ ، حدیث نمبر ، ٩٥٧ ، بركات رضا پور بندر گجرات (3) المقاصد الحسنه ، باب حرف اللام الف، حديث ١٢٨٦ ، ص ٥٢٦ ، برکات رضا رجوع لازم ہے اور نماز میں رونا مطلقا ممنوع نہیں بلکہ اس میں تفصیل ہے جو کتاب مذکور میں مسطور ہے۔ فلیر اجع اور عیدین کے متعلق سائل نے جو مسئلہ بتایا وہ بھی غلط ہے۔ سائل پر اپنے خیالات سے توبہ فرض ہے۔ واللہ تعالیٰ اعلم فقیر محمد اختر رضا خاں از هری قادری غفرلہ