کیا فرماتے ہیں علمائے دین مسئلہ ذیل میں کہ جناب نیاز اللہ خاں کی پہلی بیوی سے تین لڑکے (محمود حسین خاں، محمد عمر خاں، محمد نور خاں)، ایک لڑکی (سروری بیگم ) ہیں۔ نیاز اللہ خاں کی پہلی بیوی ان کے سامنے فوت ہوگئی تب نیاز اللہ خاں نے دوسرا نکاح بیوہ چھوٹی بیگم کے ساتھ کیا جو اپنے ساتھ ایک لڑکا (ارشادحسین جو کہ چھوٹی بیگم وان کے پہلے شوہر سے تھا) ساتھ لے کر آئیں۔ نیاز اللہ خاں و چھوٹی بیگم سے ایک لڑکی (فردوسی بیگم) پیدا ہوئی۔ نیاز اللہ خاں کا انتقال ۱۹۵۸ء میں ہوا، ان کی دوسری بیوی چھوٹی بیگم کا انتقال ان کے بعد ۱۹۷۲ء میں ہوا۔ نیاز اللہ خاں کی جائیداد میں سے کس کس کو کتنا کتنا حق پہنچتا ہے ؟ اور چھوٹی بیگم کو جو شوہری حق پہنچا اس میں ارشاد حسین و فردوسی بیگم کو کتنا کتنا پہنچا؟ قرآن و حدیث کی رو سے جواب عنایت فرمائیں۔