جناب مفتی صاحب ، دار الافتاء ! السلام علیکم کیا فرماتے ہیں علمائے دین ان مسائل میں کہ : (1) ایک شخص جو کہ کہتا ہے وصیت نامہ کا ایجاد کرنے والا شیخ احمد د یو بندی ہے تو یہ کہ اس وصیت نامہ سے شیخ احمد کا دیوبندی ہونا ثابت ہوتا ہے کہ نہیں؟ اگر نہیں ہوتا تو کیا علمائے اہل سنت نے اس کو دیوبندی کہا ہے ؟ اگر نہیں کہا تو اس شخص کے لئے کیا حکم ہے ؟ کیا اس کا یہ فعل درست ہے کہ علما پر جھوٹا الزام لگائے اور بے وجہ اپنے کو بہت جاننے والا اس سلسلہ میں ظاہر کرے کہ لوگوں میں رعب بیٹھے ؟ کیا اس کی بات ماننا جائز ہے ؟ اگر وہ شخص نماز پڑھائے تو کیا اس کے پیچھے نماز پڑھنا درست ہے ؟ میں نے سنا ہے کہ شیخ حمد نام مجد دالف ثانی کا ہے اور یہ وصیت نامہ بہت برسوں سے ہم نے دیکھا ہے اور آج کل بھی لوگ اس کو چھپوا کر لوگوں میں تقسیم کرتے ہیں۔ (۲) ایک شخص کہتا ہے کہ جو شخص نماز نہیں پڑھتا وہ مسلمان نہیں ہے ، جبکہ آج کل مسلمانوں کی زیادہ تعداد نماز سے غافل ہے ، تو اس شخص کے نزدیک وہ سب مسلمان ہی نہیں ، تو کیا اس شخص کا یہ قول معتبر ہے؟ اور کیا امام اعظم کے نزدیک وہ شخص جو نماز چھوڑے ہوئے ہے یا غافل ہے نماز سے توہ شخص کیا کافر ہے یا نہیں ؟ اور وہ شخص جو کافر جانے اس شخص کو اس کے لئے شرعاً کیا حکم ہے ؟ اگر وہ شخص امام ہے تو کیا امامت اس کی درست ہے ؟ اور اس کے پیچھے نماز پڑھنا کیسا ہے ؟ المستفتی: محمد حسین ، محلہ ڈونگر سرائے سنبھل ضلع مراد آباد