الجواب: شہر وہ جگہ ہے جو ضلع یا پرگنہ ہو، جس کے متعلق دیہات گنے جاتے ہوں اور وہاں متعد دگلی کوچے ، دوامی بازار ہوں اور اس جگہ حاکم ( والی و قاضی ) رہتا ہو جو ظالم سے مظلوم کا انصاف لے سکے۔ غنیہ شرح منیہ و تبیین شرح کنزور دالمختار میں ہے: واللفظ للأخير" فى التحفة عن ابي حنيفة انه بلدة كبيرة فيها سكك واسواق ولها رساتيق وفيها وال يقدر على انصاف المظلوم من الظالم بحشمه وعلمه او علم غيره يرجع الناس اليه فيما يقع من الحوادث وهذا هو الأصح - اس تعریف سے شہر کے شرائط معلوم ہو گئے اور مدار کار اور اصل مقصود ان شرائط میں حاکم رہے ( والی یا قاضی) جو تنفیذ احکام پر مستقلا قادر ہو، اسی لئے در مختار وغیرہ میں شہر کی تعریف یوں فرمائی: " انه كل موضع له امير وقاض يقدر على اقامة الحدود" اور گلی کوچوں اور دیہاتوں کا ذکر اس وجہ سے چھوڑ دیا کہ حاکم اس شان کا ایسے ہی شہر میں ہوتا ہے جو ضلع یا پرگنہ ہو جس کے متعلق دیہات ہوں اور اس میں گلی کوچے متعد د ہوں۔ رد المختار میں ہے: "الا ان صاحب الهداية ترك ذكر السكك والرساتيق لان الغالب ان الامير والقاضي الذي شانه القدرة على تنفيذ الاحكام واقامة الحدود لا يكون الا في بلد كذلك - اهـ الہذا جس جگہ حاکم نہ رہتا ہو، وہ شرعا شہر نہیں ، اگر چہ متعد د گلی کوچوں اور دوائی بازار کی وجہ سے شہر میں گنتی ہو یا عر فا شہر شہر ہوتی ہو وہ شرعا شہر نہیں، وہ دیہات ہے اور اس جگہ عیدین صحیح نہیں ۔ لہذا ار ذی الحجہ کی صبح صادق کے بعد اس جگہ قربانی کرنا صحیح ہے اور حکومتی تھانہ ہونا اس جگہ کو شہر نہ بنادے گا۔ واللہ تعالیٰ اعلم فقیر محمد اختر رضاخاں از هری قادری غفرلہ ۱۲/ ذی الحجہ ۱۴۰۴ھ