(۳) ایک مسجد کا امام جس نے رمضان کی تراویح ایک حافظ صاحب کے پیچھے پڑھنے سے اس لئے انکار کیا کہ وہ داڑھی کے بال ترشواتے ہیں۔ معلومات حاصل کرنے پر یہ صحیح نہیں پایا تو امام صاحب سے اس کا ثبوت دینے کو کہا گیا، امام صاحب ثبوت نہیں دے سکے ۔ تو کیا ایسے امام کی اقتدا درست ہے ؟ جبکہ بغیر پختہ ثبوت کے انہوں نے ایک حافظ قرآن پر یہ الزام لگایا اور اس الزام سے حافظ صاحب کو بہت صدمہ ہوا۔ پورا محلہ قرآن مجید کے ثواب سے محروم رہ گیا۔ جواب عنایت فرمائیں۔ حافظ صاحب کے داڑھی نہیں ترشوانے کی شہادت شہر کے مولوی نے بھی دی جو کہ ایک ہی ادارے میں حافظ صاحب کے ساتھ مدرس ہیں، ان سے پوچھا گیا کہ آپ فلاں حافظ صاحب کی اقتدا کر سکتے ہیں ؟ تو فرمایا: یقینا میں ان کی اقتدا کر سکتا ہوں کیونکہ وہ صحیح ہیں اور یہ صرف ایک الزام ہے۔ المستفتی: محمد ظفر خاں پنا دھائی مارگ، شکر کوٹھی کے پاس، فتح کرن کی حویلی ، اودے پور (راجستھان)