الجواب: (1) وہ رقم اگر کسی نے اس کو فطرہ ادا کرنے کو دی ہے تو اس میں تصرف ناجائز و گناہ ہے کہ امانت میں تصرف بے جا ہے ۔ واللہ تعالیٰ اعلم (۲) ثنا پڑھنا چاہئے کہ نفل کی ہر دو رکعتیں بمنزلہ ایک نماز کے ہیں۔ واللہ تعالیٰ اعلم (۳) معتدہ یا منکوحہ ہو تو دوسرا نکاح حرام اور زانیہ ہو تو نکاح زانی و غیر زانی دونوں کو حلال ہے مگر زانی کو اس سے صحبت حلال ہے اور غیر زانی کو تا وضع حمل ہاتھ لگانا بھی ناجائز۔ واللہ تعالیٰ اعلم (۴) بہتان لگانا اشد کبیرہ عظیم گناہ ہے، ہمیشہ حرام ہے اور روزہ میں اشد حرام اور روزہ اس سے مکروہ ہوتا ہے۔ واللہ تعالیٰ اعلم (۵) بے وجہ شرعی کینہ رکھنا حرام بد کام بد انجام ہے، جس پر یہ جرم شرعی طور پر ثابت ہو وہ قطع تعلق کا حق ہے اور اگر ثبوت شرعی سے اس کا یہ جرم ظاہر نہ ہو تو بے ثبوت شرعی الزام لگانے والا ملزم و گناہگار ہے ۔ واللہ تعالیٰ اعلم فقیر محمد اختر رضاخاں از هری قادری غفرله ۱۶/ شوال المکرم ۱۴۰۲ھ