تكلم حضرت مفتی صاحب فرماتے ہیں کہ الملفوظ کا جو حال ہے وہ اہل علم سے مخفی نہیں، اس میں سیکڑوں غلطیاں اب تک مل چکی ہیں اور احکام شریعت ایک میلاد خواں کی جمع کردہ ہے ، یہ دونوں کتابیں اعلیٰ حضرت قدس سرہ کے وصال کے بعد چھپی ہیں، اس کے برخلاف الطيب الوجیز اعلیٰ حضرت کے عہد میں چھپی ہے اس لئے اس میں غلطی کا امکان نہیں ہے ۔ اس وجہ سے خادم اس پر فتویٰ دیتا ہے۔ علاوہ ازیں اسٹیل کی یہ چین جو آب کلائی پر باندھی جاتی ہے، اعلیٰ حضرت کے زمانے میں نہیں تھی، اعلیٰ حضرت کے زمانہ میں جیبی گھڑیوں میں چین لگائی جاتی تھی، اس کے بارے میں ان دو کتابوں میں حکم ہے، اس کے بارے میں بہار شریعت میں بھی ہے اس لئے اس کے ناجائز ہونے پر اعلیٰ حضرت کی کسی کتاب یا بہار شریعت کا حوالہ دینا بے محل ہے۔ حالانکہ انہی مفتی صاحب قبلہ مدظلہ العالی کا فتویٰ آج سے تقریباً ۱۹ سال قبل ماہنامہ نوری کرن بریلی شریف میں شائع ہو چکا ہے۔ مفتی صاحب قبلہ ایک سوال کے جواب میں تحریر فرماتے ہیں کہ چین باندھ کر نماز مکروہ تحریمی واجب الاعادہ ہے اور اسے باندھنا ناجائز و گناہ ہے۔ چاندی کا بٹن لگانے میں کوئی حرج نہیں اور بٹن کے ساتھ نماز پڑھنے میں کوئی حرج نہیں ۔ واللہ تعالیٰ اعلم كتبه: محمد شریف الحق امجدی /۳۰/ جمادی الاول ۱۳۸۲ھ حضرت مفتی صاحب قبلہ اپنے فتویٰ میں تحریر فرماتے ہیں کہ بہار شریعت میں بھی جیبی گھڑی کی چین کے بارے میں حکم ہے حالانکہ حضرت صدر الشریعہ و بدر الطریقہ علیہ الرحمہ کے فتاویٰ مبارکہ کی جلد اول بنام فتاویٰ امجد یہ منظر عام پر آچکی ہے جس کا حاشیہ حضرت مفتی صاحب ہی نے تحریر فرمایا ہے، حضرت صدر الشریعہ علیہ الرحمہ کا صریح فتوی دستی چین کی کراہت کے بارے میں موجود ہے، سوال و جواب ملاحظہ فرمائیں۔