السلام علیکم ورحمتہ اللہ وبرکاتہ ! مندرجہ ذیل مسئلہ پر از روئے قرآن و احادیث وفقہ روشنی ڈالیں کہ علمائے دین و مفتیان شرع متین اس مسئلہ کے متعلق کیا فرماتے ہیں: (1) نقشہ میں مسجد دکھلائی گئی ہے ، وہ ”اب رخ پر بنی ہوئی ہے مگر بعد میں ماہر فلکیات نے اس کا صحیح رخ "ج، د بتلایا ہے۔ (۲) فقہ کا مسئلہ ہے کہ اگر سمت کعبہ سے ۴۵ / ڈگری انحراف ہو تو نماز ہو جاتی ہے، تو کیا صحیح سمت معلوم ہونے پر بھی نماز اب رُخ پر ہی پڑھتے رہنا چاہئے یا صحیح سمت 'ج، د کی طرف رُخ کر کے نماز پڑھنی چاہئے ؟ صفیں کیا درست کر لینی چاہئیں یا نہیں ؟ (۳) ایک مستحب چیز کو ہمیشہ کے لئے ترک کرنا کیسا ہے ؟ (۴) نماز کے لئے جب کھڑے ہوتے ہیں تو منہ سے کیا پڑھنا چاہیئے ؟ بندگی خداوند تعالیٰ کی ، منہ کعبہ شریف کی طرف۔ مگر جب نماز صحیح رُخ چھوڑ کر غلط سمت ”اب کی طرف منہ کر کے ایسا کہتا ہے تو یوں معلوم ہوتا ہے کہ وہ غلط بیانی کا مرتکب ہوا۔ تو کیا ایسا خیال کرتے ہوئے ”اب “ کی طرف منہ کر کے اس کی نماز ہوجائے گی یا نہیں ؟ (۵) کیا رخ مسجد صحیح کرنے کے بجائے زر کثیر خرچ کر کے مسجد کے تین اطراف میں برآمدے تعمیر کر ناروپے کا ضیاع نہیں ؟ جواب سے مشکور فرمائیں۔ والسلام محمد اسحاق قریشی ، مکان نمبر ۴۴، اسلام پورہ،لاہور