دوسرے رشتہ داروں کے ساتھ جاتی رہی۔ جب چاہا اپنے میکے چلی گئی، زید کے کہنے پر کوئی عمل نہ کیا۔ زید نے ہر چند کوشش کر لی مگر وہ اپنی عادت سے باز نہ آئی اور یہ کہتی رہی کہ میرا سسر جو کہے گا وہ کروں گی۔ زید کا والد زید کے چند وجوہات کی بنا پر ناراض تھا وہ زید کی بیوی کو ترغیب دیتا رہا کہ وہ زید کا کہنا نہ مانے یہاں تک کہ زید کے خلاف زید کے باپ نے بیٹے کی بیوی کو بہکا کر بے نقاب کچہری میں مقدمہ دائر کرنے کو کھڑا کر دیا جس کا صرف مطلب زید کو بدنام کرنا تھا۔ چونکہ زید ایک عالم سنی صحیح العقیدہ ہے، لوگوں میں اس کی کافی عزت ہے، جسے برباد کرنے کی غرض سے زید کا باپ اور زید کا بھائی کوشش کرتا رہا۔ زید کی اس پہلی بیوی سے تین لڑکیاں ہیں جن کی زید شادی کر چکا ہے۔ زید نے مجبور ہو کر دوسری بیوی کرلی جس سے تین لڑکیاں اور دو لڑکے ہیں۔ زید کی پہلی والی بیوی اس وقت بھی اپنے والد کے پاس رہتی ہے اور بے پردہ گھومتی پھرتی ہے۔ زید کا کہنا ہے کہ وہ اس کے پاس رہے اور اپنا خرچہ لے کر عزت سے پردہ نشین بن کر فرمانبردار رہ کر زندگی گزارے مگر وہ نہیں مانتی۔ اب عرض یہ ہے کہ: (1) زید کی جو جائیداد ہے اس میں زید کے بعد کیا اس طرح کی نافرمان بیوی حصہ لے سکتی ہے ؟ اور اگر لے سکتی ہے تو اس کا کیا حق ہو گا؟ (۲) اگر زید اس کا مہر دے کر اسے طلاق دے دے تو پھر زید کی جائیداد سے حصہ لے گی یا نہیں ؟ (۳) زید کی پہلی بیوی سے سر لڑکیاں ہیں جن کی شادی وہ کر چکا ہے۔ دوسری بیوی سے بھی تین لڑکیاں ، دولڑ کے ہیں۔ (۴) زید کے بعد اس کی جائیداد میں سے دوسری بیوی کا جو اُس کے شریک حیات ہے، کتنا حصہ ہو گا؟ (۵) لڑکوں کا کتنا حصہ ہو گا ؟ (1) پہلی والی بیوی کی تینوں لڑکیاں جن کی شادی کر چکا ہے وہ کس قدر حصہ کی مالک ہوں گی ؟ (۷) دوسری بیوی کی لڑکیوں کا کتنا حصہ ہو گا؟ یا کہ سب لڑکیوں کا برابر ہو گا؟ (۸) زید کا والد اور بھائی جس نے اس کی بیوی کو اپنی ضد میں زید سے بدظن کیا ہے، بے نقاب کچہری