جناب مفتی صاحب ! السلام علیکم ورحمۃ اللہ خیر سے رہ کر خواہان خیریت ہوں، ضروری تحریر یہ ہے کہ میں نے ایک استفتاء ایک ماہ قبل روانہ کیا تھا ابھی تک جواب سے محروم ہوں، استفتاء چرم قربانی کو قبرستان کی مرمت اور چہار دیواری میں لگانے کے بارے میں ہے، کیونکہ چہار دیواری نہ ہونے کے باعث خنزیر وغیرہ قبرستان میں آجاتے ہیں اور قبرستان غیر مسلم علاقہ میں واقع ہے جس کی حفاظت نہایت ضروری ہے۔ یہاں کے مسلمانوں میں اتنی وسعت نہیں کہ دوسری رقم سے یہ کام انجام دیں۔ والسلام خاکسار محمد منظور عالم رضوی، ۹، ایس پی بنرجی روڈ ، عالم بازار ، کلکتہ -۳۵